نفساني - عرض مشاركة واحدة - زواج السعوديه من غير السعودي ( الأجنبي ).

12-10-2014, 12:08 PM

السلام عليكم ورحمة الله وبركاته

الله يعيننا على حر ورطوبة جده

حررر موووووووت المهم توي داخل البيت

وجاي من شرطة منطقة مكه المكرمه
كلمت الموظف على المعامله ( الاستثناء ) وعطيته الرقم شافها عنده في الجهاز
وقالي خلاص اوك تعال الأسبوع الجاي وأعطيك رقم الصادر لها
قلتله ليه وايش المكتوب فيها قالي والله إنتا عارف اليوم اول يوم دوام واللحين راح ابداء اشتغل عليها
قالي انت من جده قلتله آيه قالي تمام المعامله راح تتحول لمكتب الزواج عشان تكمل الإجراء
وأعطاني رقم التلفون والتحويله وقالي اتصل علينا وشيك عليها وبسسسسسس

إيش ألي حيصير بعد كذا....... الله أعلم

والله مواصل من أمس ما نمت عشان اروح للشرطه
والحمد لله على كل حال ،،،،،

الله يسر أمورنا ويسعد قلوبنا ويتمم أمورنا على خير يا كريم

لا اله الا انت سبحااانك إني كنت من الظالمين