نفساني - عرض مشاركة واحدة

25-10-2014, 03:44 AM

الله يرجع الاخ محمد البدراني لنا بالسلامة..
صراحة لا يلام على قطعه للمنتدى لانه يعاني من نوبات الاكتئاب الكبرى .. وانا اعرف هذي الحالة زين لانها كانت تجيني وخاصة اذا استخدمت مضادات الاكتئاب كانت تسببلي نوبات اكتئاب هائلة لدرجة اني اصبح افكر في طريقة للتخلص بها من حياتي ..

نوبات الاكتئاب الكبرى يمكن تستمر مع الشخص اسبوع او اسبوعين ويمكن شهر كامل بدون توقف... لان هذي النوبات كانت تصيبني واحيانا استمر اسبوع كامل بنوبة اكتئاب كبرى واصبح عاجز عن فعل أي شيء وكاره كل شي واحس بكرب شديد وزي السحابة السوداء الجاثمة على قلبي واجلس طول الاسبوع ابكي وادور على نفسي ولا اقدر ولا اقدر اجلس في مكان واحد ولا اقدر اكل ولا اقدر اشرب ولا اقدر انام تخيلو لمدة اسبوع متواصل واحيانا 10 ايام واحيانا اسبوعين متواصلة وانا على هذي الحالة ... ولكن ما نقول الا الله يشفيه ..
ونصحته انه يترك مضادات الاكتئاب لانها هي اللي تسببله النوبات الكبرى مثل حالتي صح ان فيه ناس كثير يستفيدون من مضادات الاكتئاب لكن بعض الناس تدمرهم هذي المضادات ولا اعلم ماهو السبب فبالنسبة لي وللبدراني اتوقع ان مضادات الاكتئاب تدمرنا ولا تعالجنا ..

وعلى العموم لا تخافون من الادوية النفسية فانا ماودي اخوفك ولكن اقول كلمة حق فبعض الناس يستفيدون من هذه الادوية وبعضهم لا يستفيدون وبعضهم ربما تزيد حالتهم سوء..

اتمنى ان محمد البدراني يقرأ كلامي هذا .. تحياتي لك ايه الصابر الصبور