نفساني - عرض مشاركة واحدة - زواج السعوديه من غير السعودي ( الأجنبي ).

08-12-2014, 10:57 AM

اقتباس:

المشاركة الأصلية كتبت بواسطة سكره حمره

السلام عليكم صباح الخير
كيفكم
انا من شهر اتابعكم ماشاء الله مبرووك للي جاتهم الموافقه وعقبال البقيه وعقبالي يارب
ابغى اسأل كم وقت تاخذ المعاملة في الشرطه واحد يشرحلي من البداية كيف تقديم المعامله

وعليكم السلام ورحمة الله .. صباح النور والسرور ..

بعطيك المعلومات اللي اعرفها .. اذا كنتي من جدة .. فطبعاً الطرف السعودي هو اللي يقدم ولازم يكون ساكن بجدة .. تقدري تقدمي الكترونياً عن طريق موقع محافظة جدة ( اذا كنتي من جدة طبعاً ) وتعبي البيانات وتدخلي صورة بطاقتك وبطاقة الوالد ..
بعد كذا من ثلاث الى خمس أيام تتصدر الى الشرطة برقم صادر مكون من ست أرقام .. تروحي الاتصالات الادارية او تتصلي عليهم تعطيهم الست أرقام يعطوك رقم المعاملة في الشرطة مكون من خمس أرقام .. بعدها تروحوا مكتب الزواج بالشرطة يعطوكم الطلبات من اوراق وتحاليل .. تخلصوها ( التحاليل تقريبا اسبوعين ) .. ترجعوا تسلموها للشرطة .. يحولوها للمباحث ويعطوك موعد .. ما اعرف كم تقعد هناك بالضبط بس تقريباً ممكن شهر .. بعدها تتحول للمحافظة وتكوني خلصتي من الشرطة فقط ..

ان شاء الله أكون أفدتك .. وفالك الموافقة يااارب ..