بنيّة

بيانات اضافيه [ + ]

رقم العضوية : 49648  تاريخ التسجيل :  01 2015  أخر زيارة : 15-01-2015 (06:33 PM)  المشاركات : 7 [ + ]  التقييم :  10

لوني المفضل : Cadetblue

تبين تحليلي لحالتك الحالية؟
أتوقع إن الوسواس استمر معك لفترة طويلة لدرجة انهكك.
لمّا انتهى، كأنك الشخص اللي كان موظف طول حياته وفجأة تقاعد يكون -بلهجتي- "يبحل بنفسه" أي مايعرف يدبر نفسه بالتعامل مع واقعه الجديد،
هذا إنتِ، أغلب الأفكار الوسواسية راحت منك لكن تعودتي عليها لدرجة ماتعرفين تعيشين طبيعي بدونها، كانت شغلك الشاغل اللي تبين تتلخصين منه عشان تعيشين مثل الناس
لكن يوم انتهت، ماعرفتي كيف.

الحل بسيط بس يحتاج له قوة عزيمة، لأن ممكن نفسك توسوس لك إن ارجعي للوسواس أفضل من إنك تبذلين جهد بتحسين حياتك.
الحل كالتالي، راح الوسواس؟ الحمدلله، الحين جاء وقت بناء حياتك من جديد.
وش كان أكبر شيء تتمنينه بس ماقدرتي تسوينه بسبب الوسواس؟ مثلا فيه ناس كثير الوسواس عزلهم عن الناس، ارجعي اختلطي -لا تضغطين على نفسك، لكن حاولي تبنين اللي انهدم سابقًا.

يا إما هذا هو اللي فيك، أو إنك توك طالعة من مرحلة الوسواس بحيث تحسين قواك خارت وتبين ترتاحين بأي طريقة، معليش ارتاحي لكن بنفس الوقت اشحني نفسك بطاقات إيجابية وحاولي ماتستلمين لوضعية الكسل كثير

شيء آخر أبي انبه عليه، سواء كانت حياتك سابقًا جيدة أو لأ، الوسواس أضاف لك أشياء إيجابية بنفسك، مثال: ممكن أصبحتي تلتمسين للناس العذر أكثر لأنك أصبحتي تعرفين إن أحيانًا الأوضاع تكون خارج عن السيطرة، الشاهد، الله سبحانه وتعالى ابتلاك بالوسواس عشان تضيفين لحياتك أشياء أحسن مو ترجعين مثل ماكنتي، كنتِ جيدة؟ مو مشكلة أكيد بتكونين أحسن بتجاربك مع ابتلاءك،
معليش ماقدرت أوصل الفكرة، لكن اللي أبيه إن لا تضغطين على نفسك ترجعين مثل ماكنتِ، تقدرين تكونين أحسن، أو مو شرط أهم شيء تكونين شخص ترتاحين إنك تكونينه -بطتنا بطت بطن بطتكم udjdudud، دعابة دعابة.

أحسني أغرد بعيدًا عن السرب -كالعادة ياسعادة-، لو مافهمت عليك وقمت أخربط أشياء ما تمت لك بصلة اسحبي عليها.
حاولت قدر الإمكان أبعد عن الكلمات اللي ممكن تثير الوسواس مرة أخرى، لو أحد لاحظ كلمة ممكن تحفزه يعلمني أمسحها.


الله يغفر لي ولك، بالتوفيق.