اختي الكريمة
بالنسبة لضربات القلب اختي فيه اللتهاب عندك بالمعده والدليل كل ما اكلتي شي يتعب المعده شوفي النبضات تزيد عندك وراح يجيك صداع
وراح افصل لك حالتك بالضبط وكيف صارت لك المشاكل اللي الى الان وأنتي تعانين منها ولا تدرين هل هي نفسيه او جسديه .
- راح اسأل انا وراح اجاوب ومن خلال الحوار هذا راح تعرفين وش الأخطاء اللي انتي سويتها وراح اوصلك الى المشكله اللي انتي تعانين من بداية المرض الى الآن :
السؤال هل عندك تقصير في امور العبادة سابقاً .
الجواب نعم والصلاة كان يفوت وقتها ولا نصليها بوقتها بعض الاحيان وكلنا نخطي وخير الخطائين التوابون والله يرحم الحال لكن الحين الحمد لله محافظة عليها .
السؤال طيب ليه تكلم عن الصلاة فيه اشياء غيرها ليه ما تكلمت عنها مثلاً .
الجواب هذا أول باب يدخل عليك الشيطان معه وهو بداية الوسواس عندك ثم راح يتطور الأمر اكثر من كذا وراح افصل.
السؤال هل الشيطان له دخل في هذه الحالة اللي انا عايشه فيها وإذا كان له دخل في حالتي هذي ممكن تشرحها ؟؟
الجواب نعم له دخل في حالك وطريقة دخوله التالي :
1- حصل تقصير في اقامة الصلاة بوقتها قبل سنوات أثناء سن المراهقه هذا المدخل الأول
2- دخل الوسواس الشيطان عن طريق الزعل بحرمانك من الأكل في بعض الاوقات وفي هذه الحالة يبدأ الجسم بالضعف ثم يفتقد العناصر اللي هو بحاجه لها خاصة للمعده والقولون ثم يحصل سوء امتصاص فيهم هذا المدخل الثاني .
3- يبدأ بالتدرج الى أن يجعلك تراقبي نفسك وتتأملين ثم تقولين ليه ما امنع نفسي عن بعض الاكل افضل لي مثلاً اسوي رجيم وبالحالة هذي راح تأثري على المعده والقولون خاصة لأنهم هم اللي يوزعون العناصر على باقي الجسم وراح تتعود المعده والقولون على اكلات معينه مركزه عليها ثم تتأثرين بعدين من الاكلات اللي حرمتي نفسك منها قبل وكنتي تاكلينها عادي هذا المدخل الثالث .
4- تعرضت لحالة تسمم في احد الوجبات وجك نوبة هلع او ضيق تنفس ومن عقبها بدأ الوسواس بالخوف من الاكل هذا المدخل الرابع.
5- الشيطان وسوس فيك وانعزلتي وجلستي لوحدك وخلاص بالطريقه هذي الحياة عندك ما راح يصير لها طعم يعني ما راح تهتمين بأي شي ويبدأ جسمك ينهار والعناصر جميعها تقل ثم يبدأ الاكتئاب بعد الوسواس ثم الرهاب ثم الهلع وفي النهاية يبدأ اللتهاب المعده والقولون عندك ثم عاد الاعراض اللي انتي تحسين فيها الآم متنوعه بالجسم صداع خفقان دوخة الـخ تزيد وتنقص على حسب شدة اللتهاب هذا اللي فيك هذا المدخل الخامس .

تشخيص حالك الخاطئ اللي مشيتي عليه هو :
جميع الفحوصات سليمة ولم يتم عمل منظار للمعده والقولون ثم تم التحويل للعيادات النفسية وصرف علاجات نفسية زادت من حدة اللتهابات عندك في المعده والقولون لأن الحبوب النفسية تفتح الشهية لكن ما تعالج اللتهاب وهذه هي المشكلة الاساسية عندك في المعده والقولون .

والمفترض تشخيص حالتك الصحيح هو :
توجيهك لدكتورة الجهاز الهضمي ثم اخصائية تغذية وصرف العلاج اللازم مع الالتزام بوجبات غذائية متوازنة ومعرفة العناصر اللي فقدها جسمك من بداية مرضك الى الآن مع قراءة القرآن لأن اغلب الامراض الباطنية اسبابها من العين وبأذن الله تعالى راح تشفين من اللي انت فيه .


اما بالنسبة الفحوصات
تقولين ايهم افضل فحص جرثومة المعده بالنفخ او بالدم او البراز اعزكم الله
أنا أنصحك لمثل حالك فحص الجرثومة عن طريق الدم لأني متأكد اختي فيك اللتهاب بالمعده 100% 100 من العلاجات النفسية اللي اكليتها وإذا اسويتي النفخ راح يطعونك حبه تبلعينها وراح تلعب في معدك لأنها راح تهيج المعده وتثير الجرثومة اذا كانت زايده فيك وراح تزيد اللتهاب فيها .
لذلك انصحك فحص الجرثومة عن طريق الدم او البراز اعزكم الله .
وكذلك اختي خوذي فحص اميبا الأمعاء وفحص فيتامين ب12 وفيتامين دال كل الناس ناقص عندها مو لازم .
وبالنسبة للمنظار اختي انا انصح وبقوه بس عند دكتوره شاطره ويدها خفيفه للمعده وبعد فتره للقولون علشان يشوف الشخص شدة اللتهاب اللي فيه ولا تخلينها تاخذ عينه تألم بس قولي لها تشوف شدة اللتهاب فقط .

وفيه حبه اسمها كبسولة المنظار حجمها مثل الحبوب اللي ياكلها الشخص تصور يبلعها الشخص وتصور من المرئ الى القولون وتخرج عن مع الاكل . سمعت انها في مستشفى الحبيب بالرياض او بجده بأمكانك تسألين عنها بالاتصال عليهم .

وفي الاخير اختي حبيت اجدد بالأسلوب المرة هذي اعذرني وابغاك تركزين على اللي انا قلت اتمنى كلامي يكون صحيح .
أسال الله انه يشفيني يشفيك ويشفي كل مسلم ،،،،،