نفساني - عرض مشاركة واحدة

06-03-2015, 02:34 AM

اختي سلمى

سراحه حتى اللغة اللي انا اكتب فيها عجزت اكتبها الحين مره ارد على خليجي ومره مصري ومره سوداني ومرة لبناني ومره اتكلم بالفصى تعبتgfds

اسمحي اتكلم على طبيعتي بشكل عفوي

انا راح اقرا افكارك تقولين في نفسك ليه انا ربي يعمل فيني كذا ليه طيب اقل شي يجيني اخف من المرض هذا اللي الى الان ما اعرف هو مرض نفسي او جسدي وليه وليه وليه ؟؟؟؟؟

طيب تذكرين يوم يجيك اللتهاب باللوز او زكام ما كنتي تتشأمين وتقولين انا مريضه انا تعبانه ليه امرض كذا انا ما عندي مناعه كل يو فيني زكام ؟

طيب لو اسئلك وجاوبي بنفسك الحين ما تمنين ان اللتهاب اللوز والزكام انه يعود لك ولا شفتي المرض اللي فيك الحين . اكيد راح تقولين يا ليت

طيب تدرين المرض هذا اللي فيك اقسم لك بالله العظيم انه رحمة لك ماهو عذاب وان رب العالمين راح يفتح لك ابواب سعاده اصلاً ما كنتي تحلمين فيها وراح تقولين كيف .

1- اصبحتي قريبه من ربك وصرتي تحرصين على الصلاة مو زي قبل كنتي تهاونين في الصلاة بعض الاحيان هذي الفايده الأولى .
2- رب العالمين يوم يبلاك بالمرض اللي فيك يخبرك بأنه فيه شي انتي قاعده تسوينه غلط في حالك اللي هو الرجيم اللي انتي قاعده تسوينه هل سويتي الرجيم عن طريق اخصائية تغذيه طبعاً لا من راسك وهذا اللي وصلك كذا مناعك بتدت تضعف واول ما تعرضتي لحالة التسمم جسمك تعب وعجز يقاومها لأن جمسك ما فيه عناصر استفاد منها قبل وضعفت عندك المعده والقولون وبالطريقه هذي راح يكون فيهم اللتهاب وهذا اللي حصل .
لذلك رب العالمين بلاك في المرض من محبته لك علشان تنتبهين لأكلك لأن طريقك اللي انتي سويتها غلط المفروض تروحين لاخصائية تغذية وتعطيك الاكلات اللي تقوي فيها جسمك علشان ترجعين زي اول واحسن
3- رب العالمين يوم يبلاك بالمرض هذا اول ما كنتي تهتمين الا في نفسك اما الحين بالعكس صرتي تحسين بغيرك وتحاولين تساعدين الناس واللي الحين انتي تسوينه تكتبين قصك وفيه ملايين من الناس الحين يقرون قصك وراح يستفيدون من الكلام علشان كذا بعد راح الله يرزقك بالاجر من عنده .
4- كنتي بعيده عن قراءة القران والان متأكد انك تقرين القرآن يوميا ً ورب العالمين يحبك لأن القرآن راح يشهد عليك يوم القيامة انك قاعد تقرين كلام الله .
5- انتي انسان طيبه والله بين لك معادن الناس فيه ناس وقفت معك في مرضك وفيه ناس تخلت عنك حتى تعرفين بعدين من تصاحبين .

بالله عليك رب العالمين ما يحبك لا والله الا يحبك شوفي الانبياء ما فيه نبي في الدنيا الا وابتلي يعني الله يكرهم ولا فيه اعظم من بلواهم الله يكرهم بالعكس يحبهم .

اختي انتي تبحثين عن العلاج ودايم اقول التشخيص الصحيح نصف العلاج
أبغاك تطبقين كل كلمه اقولها ما تروحين تلفين وتدورين وتقولين سويت وانتي ما سويتي وبأذن الله راح تشفين
1- ابغاك تفحصين عن حساسية القمح .
2- ابغاك فحص كامل للدم .
3- فحص عن جرثومة المعده والاميبا عن طريق الـــــــــــــــــــــــــــــــــــــــــــــدم أو البراز اعزك الله يعني ما ابيك تسوين فحص الجرثومة عن طريق النفخ ابداً راح تزيد اللي فيك اذا اكلتي حبة النفخ انتي فيك اللتهاب واذا اكلتها راح يزيد عليك الفحص عن طريق الدم نصيحه لوجه الله .
4-فحص فيتامين ب12 واتوقع ان عندك مشكله مع مشتقات الالبان والبقوليات والطماط ومشتقاته والفطائر اللي تحتوي على خمائر عاليه والزيوت ماعدا زيت الزيتون .
5- انتي بالخيار تاخذين منظار او لا لكن المنظار صدقني راح يبين كان اللتهاب مازال موجود او لا انتي يوم اخذتيه المره الاولى اكبر خطأ سويتيه انك مخدره انا يوم اسوي المنظار قال الدكتور راح اخدرك قلت معليش يا دكتور راح اتدخل عطني فقط بنج اسنان وبخ في فمي قال ليه قلت علشان اذا جرحتني انبهك قال خلاص المهم الدكتور كان شاااااااااااااااااااااااااااااااااااااااطر وماااااااااااااهر ويده خفيفه اخذ علي المنظار ولا حسيت فيه يعني اذا كنتي تبين تاخذين منظار ارجو انك ما تروحين لدكتورك الفاشله تبحثين عن افضل دكتوره تسوي منظار ولا تخلينها تاخذ عينه من المعده لانها راح تألمك فقط قولي ابغى اشوف اللتهاب اللي فيني راح او لا واتمنى وقت المنظار يكون احد معك حرص عليك وبعد فتره اذا شفتي نفسك قويه خوذي منظار للقولون لأن القولون راح تضطرين تاخذين ملين بطن وراح تخسرين العناصر اللي جسمك بحاجتها لذلك اذا كنتي حاسه نفسك قوية سوي القولون واذا كنتي مازلتي تعبان خوذي فقط منظار على المعده بس عن دكتوررررررررررررررررررره شاااااااااااااااااااااااااطره .
6- اذا طلعت النتيجه لازم تروحين لاخصائية تغذيه بحيث تقولك الحمية اللي لازم تمشين عليها علشان جسمك يرجع زي اول وافضل ان شاء الله .
7- انصحك لوجه الله عليك بقراءة القرآن وخاصة سورة البقره وقراءة الاذكار يومياً لآن اغلب مشاكل الباطنيه اسبابها تكون من العين .
8- توكل + صبر+ عزيمة + قراءة الاذكار والقرآن +علاج + حمية غذائية صحيه من قبل اخصائية تغذيه = الشفاء بأذن الله
اختي خلال فتره العلاج خلي بينك وبين المرض تحدي يعني حاولي تعرفين كيف ترجعين جسمك افضل من قبل تروحين لاخصائية تغذيه وتعلمك الاكلات المناسبة لك وتدخلين على المنتديات اللي يهتمون بالتغذيه وكيف يتحصلون على العناصر المفيده للجسم وبأذن الله متأكد ان اللي فيك مرحلة وتعدي بس خلي بين وبين الوعكه هذي تحدي وراح تذكرين كلامي للمره المليون وتقولين الحمد لله على انك بليتني بالمرض هذا حتى اغير حياتي للأفضل .

وبالنسبة للموضوع اللي انا منزله مقطع الفديو حاولي تفتحينه اكثر من مره لان الموجودين كلهم شافوه انا ناسخه في جميع الملتقيات جربي يمكن يفتح معك واتمنى تركزين بكل كلمه اذا فتح معك المقطع وراح تستفيدين.
اسال الله العظيم رب العرش الكريم انه يشفيني ويشفيك وكل مسلم .