نفساني - عرض مشاركة واحدة

10-03-2015, 02:50 PM

اقتباس:

المشاركة الأصلية كتبت بواسطة يارب إشفيني

طيب بسالك اخوي ربي يحبك
الالم الذي حولي العين شديد ..الي الافك وخلف الراس كأن عرق بينفجر الي الرقبه...مع الدوخه وتعب وارهاق . وش سببه

هلا اختي الكريمة

يا رب اشفيني أن شاء الله تحسنتي وش صار عليك سويتي الحمية ولا راحت في خبر كان وهذا اللي يظهر لي .

عندي اسم لك احسن من هذا بس بالعكس ربي يشفيني الاسم هذا افضل وصحيح رب العالمين قال ادعوني استجب لكم بس بطبيعة ابن ادم اذا تأخر ولا طاب من المرض اللي هو فيه يدخل عليه الشيطان وخلا ص يقعد يوسوس لكن ان قلتي ربي يشفيني قطعتي الأمل والطريق على عدو الله يعني كلامك هذا ايقان تام حتى لو قعد يوسوس لك تقولين انا كاتبه الشي هذا غصب عنك يا ابليس انا عبده لربي وهو اللي يشفيني مهما قلت اتمنى تكون الصورة وصلت .

ارجع لكلامك اختي

اختي تخيلي انتي تسأليني وأنا ابني على وصفك ومن خلال الاسئلة والاجوبه هذي راح تعرفين اسبابها :

1- هل تجيك الاعراض هذي بعد وجبه سوا اكل او شرب شي معين إذا كانت كذا هذي معدك تعبانه والقولون مثلها يعني شكلك اكله شي يسبب حموضة على المعده . وللعلم فيه الاكلات والمشروبات وبعض التمور تسبب حموضة يعني لكل شخص تمر معين يناسبة لا زم تشوفين المناسب لك والحمية اللي قلت لك عنها قبل ارجعي لها وبأذن الله ما تشوفين الا العافيه .

2- هل تجيك بعد اكل علاج معين تاكلينه اذا كان كذا اعرفي انه من العلاج نفسه يلعب في بطنك ويأثر عليك .
3- هل اخذتي تخطيط على القلب لأن اللي يظهر لي ان عندك ارتفاع بالضغط واي اكل يأثر على المعده ارجعي لأكلك وشربك لأني احس انك تشربين القسط الهندي وهو يرفع الضغط بعد سمعت عنه كذا راح ياثر على ضغط القلب .
4- وبالنسبة لدوخه والتعب والاهاق اختي لا تلومين جسمك حنا مشكلتنا انا السبب في اللي صار معنا هذا ونقول ليه حنا كذا اول شي اهمال منا بطاعة رب العالمين وثانيا دخلت ابليس اللين ضغف اجسامنا ودخلنا في عزله عن الناس يخلي الواحد ما ياكل اويوسوس للواحد يقول خلك رياضي ويحرم نفسه الاكل او يخلي الواحد يطغي بالاكل اي شي قدامه ياكله لو انه يضره وعاد صارت اجسامنا ما تحمل شي وبدت الاعراض تزيد فيها والا لو انا نطيع رب العالمين كان ما دخلنا في المتاهات هذي كان ما ينعزل الواحد عن الناس ولا يبدا يخفف جسمة الا رايح لأخصائي تغذيه يعلمه اللي ينفعه واللي يضر ولا صار ياكل اي شي ويطبق حديث الرسول ثلث لطعامك وثلث لشرابك وثلث لنفسك والرسول قالها اللهم صلي على محمد المعده بيت الداء يعني كل الامراض نفسية وجسديه .

لذلك اختي اعرفي انتي الله يخليك لعين ترجيك لازم تريحين نفسك شوي وتمشين على اللي قلت لك عليه يعني حتى ترى بذل المجهود لمثل حالك يتعب لأن عندك اللتهابات لا تحسبينها سهله هي اللي تصعب عملية امتصاص العناصر للجسم .
لذلك اختي بودي تطمنين على القلب تاخذين تخطيط وإذا كان ما فيك شي ارجعي لكلامي وردي عليك في السابق وطبقي كلامي ولازم تروحين لأخصائية تغذيه تعلمك بعد الاشياء اللي تعوض جسمك العناصر اللي فاقدها .

اتمنى اختي اني جاوبت على اسئلك
وابغى منك حاجه واذا بعد كان فيه احد قاعد يقرا ردي عليك دائما ً قولي استغفر الله واتوب اليه كل يوم مية مره وان زادة افضل بعد راح تلقين سرعة الاستجابة وطول العمر والمغفرة رب العالمين وسعة بالرزق وكل ما تمنين .
خذوي القصه لعل الكل يستفيد منها

فيه واحد يشتغل خباز على وقت الامام احمد ابن حنبل دائما يقول استغفر الله واتوب اليه وهو يخبز الخبز المهم فجأة جاء الامام احمد بن حنبل له وقال يا رجل ليه انت الحين وانت تخبز الخبز تستغفر قال والخباز ما يعرف انه الامام احمد بن حنبل يا رجل والله ما دعوت ربي بأي شي الا واستجاب لي الا مره واحده قال الامام احمد بن حنبل وما تلك الدعوه التي لم يستجيب لك الله بها قال اني ارى الامام احمد بن حنبل قال هذا انا الامام احمد بن حنبل .
لذلك اختي الزمي الاستغار والله انه هو الفرج بعد الله .

أسال الله جل علاه انه يشفيني ويشفيك وكل مسلم اللهم آمين ،،،،