اخوي منتضر الفرحه

شف وأنا اخوك انت تقول ما فيه احد زيك من اللي يقوله علشان الناس اللي في المنتدى ما تكلم أنت ما تدري أن فيه حاجات منعم الله عليك فيها بس انت الى الآن ما بعد شفتها ولا تناظر الا الجانب الشين فيك اخوي منتضر شوري عليك 16 سنه عذاب يعني انت تبي النار ياخوي والله لو انك عندي كان شفت وش اسوي فيك ياخوي توك صغير ياخي والله اني ناصح لك تدري من اللي يرد علي الحين باسم منتضر هذا ما هو انت هذي نفسك الخبيثه والا انت من الداخل مقهور بس ما تدري وش تسوي ياخي 15 سنة علاجات طلعت بنتيجه لا طيب ليه بلاك ما لقيت علاجك صح وعلاجك اللي قلت لك عليه يعني يبي يضرك ياخوي تعب سنه ولا تعب سنين شوري عليك لاتخلي عزبة الشياطين معشعشه في راسك انت جرب اصدق التوبة وسو اللي قلت لك عليه بس طع شور اخوك واعتبر اللي اقولك آخر الحلول وشف
اخوي منتضر الحين انت تقول 15 سنة اكتئاب أنت مثل احد المشايخه أسال الله العظيم رب العرش الكريم أنه يشفيه ما يحرك الا راسه فقط فيه شلل كامل 25 سنه لازم احد يخدمه بأموره وانت تقدر تخدم نفسك بنفسك وتقول ما فيه احد مثلي يعني بالله عليك الرجل هذا يبي يتحمل لو كان مبعد عن رب العالمين وانت تقول اني اعاني ياخي شوري عليك للمره الثانية .

حتى الشيخ هذا نفسه جاه واحد له وقال له ياشيخ انا احسدك قال ليه ما فيني شي انحسد عليه ياخي انا ما فيني شي يتحرك الا راسي قال ياشيخ انت فيه احد يسأل عنك عندك اهل وانا ما لي اهل يعني لقطه يقول الشيخ والله كأن واحد صفعني مع وجهي دريت أن فيه ناس اعظم مني وحمدت ربي على نعمته علي تخيلت نفسي بالوضع هذا من اللي راح يقوم فيني وانت تقول انا ما فيه احد زيي ما لومك كلن يناظر مصيبته اعظم من الثاني لكن لو يبي يفضي نفسه يوم ويروح للمستشفى ويشوف الناس اللي فيها والله ان يحمد ربه الف مره .

أخوي منتضر ياخي انا شرت عليك وقلت اعتبر اللي قلت لك هذا اخر الحلول وانت براحك وانا اخوك ومتأكد نفسك الخبيثه راح ترد علي وتقول انا وانا وانا لكن ابقولك بيت شعر لعله يحرك لو شيء بسيط فيك
من طاوع الشيطان والنفس وابليس ******** وتبع هوى نفسه يبشر بالافلاس
وانت الثلاث امور كلها مسويها وبراحك اخوي تراك ما راح تضمن انك تبي تعيش وتجدد التوبه عاد خسارة بالدنيا والاخره والله كانك تبي تحمل نار ولاعه الدخان على اصبعك جرب وشف خلاص اقولك راح تحمل عذاب النار اللي تصهر ابن ادم من شدتها .
وبالنهاية
أسال الله العظيم رب العرش الكريم أنه يشفيني ويشفيك وكل المسلمين اللهم آمين ،،،،