نفساني - عرض مشاركة واحدة - جبت لكم الكلام الي الكل يدوره والعلاج الي راح اسويه مقطع فديو

28-03-2015, 06:22 PM

الناس الي برى يضحكون ، هل هم بدون هموم ؟ هل هم عايشين أحسن منك ؟ طيب ليش هم يضحكون وأنت لا ؟ ليش هم يبنون مستقبلهم وأنت لا ؟ هل لأنهم أغبياء ؟ أو ناس تحب الضحك بس ؟ أو لأنهم فاهمين الدنيا صح وأنت الي فاهم الدنيا غلط !!

طيب دامك فاهم أنهم هم الصح وأنت الغلط .. ليش م تعيش معاهم ؟ ليش جالس لوحدك الحين . ؟ بتجلس تناظرهم من بعيد وش بتستفيد ؟ روح معاهم عيش معاهم إفعل اللي يفعلونه ، شوف إيش هم يسوون ؟ شوف ف إيش يفكرون ، شوف كيف هم بسيطين وأنت معقد الأمور !! .. شوف كيف هم يصنعون من اللحظة إبتسامة ، أما أنت تدور على الابتسامة دوارة ، بينما هم يضحكون على أي كلمة ولو أنها تكررت مليون مرة في ذلك المجلس ، إمشي معاهم إضحك ، إنت الحين إضحك وإنت تقرأ كلامي ، طالع في نفسك قد إيش ربي يحبك ، شوف العين الي تتحرك مع كلامي ، وعقلك يفهم الحروف بثانية وحدة تقرا خمس ست كلمات وأنت مبسوط ، الرجال الي يضحك بالشارع أو من أصدقاءك أو حتى من أهلك ليس بساذج أو سعيد ، لا هو إنسان طبيعي وإنت إنسان مو طبيعي ، إقنع نفسك أن كل الناس طبيعيين وإنت الوحيد الي مو طبيعي ويبي لك علاج ، وعلاج بيد الله ثم تذهب مع الناس الي تضحك ، تضحك معاها ، تتصنع الضحك حتى لو انت طفشان أو مو مرتاح ، إضحك مرة ومرتين وثلاث وبصوت أعلى ، فجأة راح تلاقي نفسك مرتاح لهم ، يوم ورا الثاني راح تشتاق للضحكة ، اليوم الي بعدو م راح تنتظر الضحكة بل إنك راح تصنعها ، ومن هنا تصير حياتك حلوة وسعيدة ، ومش للضحك ، راح تبني مستقبلك وتعيش حياتك ، لا تقول لي العمر يطير ولا انا كبرت ع المستقبل ومن هالكلام ، إنت لو عمرك 100 سنة إنت عايش في الحاضر وال100 سنة الي راحت كلها ماضي ، والجاي مستقبل .. إفتح صفحة جديدة ، إنت إنسان ثاني ، إبدأ نظم جدولك من بكرة ، تصحى تصلي الفجر ، تقرأ الأذكار ثم رياضة ربع ساعة ، صلاة ضحى ، روح لعملك ( ما عندك عمل إطلع بسيارتك وروح أي مكان ) الظهر صليها وإرجع لبيتك تغدى غداء خفيف وخذ لك قيلولة ، والعصر صلي وإطلع إلعب كورة أو تفرج ع التلفزيون واجلس مع أهلك ، المغرب صليها وإرجع خذ لك دش وشغل البلايستيشن خذ لك قيمين فيفا أو إفتح لك أي كتاب إقرأ وكلن على حسب هواه ، صلي العشاء وتعشى واسمر كم سالفة مع أهلك ونام ، تبي تتخلص من الاكتئاب وانت مو مالي جدولك اليومي ! تبي تتخلص من الاكتئاب وانت جالس طول اليوم في مكان واحد ؟ والله لو تاخذ ادوية الدنيا كلها ما تتخلص منه ، لا تجلس لوحدك أبداً ولا تطول في الجلوس ، روح إمشي إطلع من مكانك أغصب نفسك تلقائياً إطلع لا تفكر إلا وانت خارج البيت ، كسلان مرة وما تبي تركب السيارة ، خذ لك لفة ع الحارة ، روح ع بقايل الحارة أدخل تفرج إشتري لك موية بريال أو عصير وكمل مشيك ، ولا تجلس في مكانك ، تجلس في مكانك وتقول ملل إيييوه أكيد ملل ، غيرك يضحك ويسولف وراح قام بنفسه دور للحظات السعادة ودخل جواتها ، أما إنت جالس لوحدك تبي لحظات السعادة تجيك لا كذا إنت تحلم .. !!