المشاركة الأصلية كتبت بواسطة نورهان امين

السلام عليكم جميعا
الصراحة انا بحمد ربنا انو هداني للمنتدي ده عجبني اوي فهمكوا لبعص وتشجعكوا لبعض للاسف انا مابشفهوش من اقرب الناس
وعشان كده اتشجعت ان انا اكتب عن حالتي هنا وارجو اني الاقي الافادة

الصراحة انا مكتبتش هنا الا بعد عناء طويل كمان لان كل اما اجي اكتب حاجة تقولي هتموتي او دي اخر حاجة هتكتبيها بس توكلت علي الله
المهم انا واحدة طول عمري عايشة تحت امر الشيطان صحيح ملتزمة -من بره بس كشكل يعني- بس من جوة حدث ولا حرج بس والله انا فيا مميزات برضه بس العيوب كانت طاغيه عليها كمان انا مكنش عندي اي طموح مكنتش بذاكر مكنتش بفكر ابدا ان انا اجيب مجموع اهم حاجة عندي كانت الثانوية واديني دخلتها السنه دي وانا عمري ما شفت والله سنة زي دي كانها عشر سنين في بعض حصل فيها مشاكل كتير اوي بس كان الحلو فيها ان الحمد لله ربنا هداني قربت منه كمان الصلاه كانت في مواعيدها وكنت حاسة براحة المهم بابا نزل فيديوهات لناس بتموت فجاه انا شفتها بس ما خفتش بالعكس دا قربني اكتر من ربنا بعدها بكذا يوم كده كنت بصلي العصر وفجاه حسيت ان روحي بتتسحب ورعشة في الجسم مابتروحش خالص وحسيت ان جسمي بارد وحلقي جاف وعلي الحال ده طول اليوم وانا كنت بقول خلااااص انا هموت النهارده المهم انا علي الحال ده بقالي اربع اسابيع وانا بحثت علي الموضوع ده ولاقيت الناس بتقول وسواس الموت بس انا في حاجة من جوا بتقولي ان دا مش وسواس يعني ازاي الشيطان هيخليني اقرب من ربنا ؟ يعني بقيت بصلي كتير وادعي ربنا واعيط كتير كمان هو جالي لما كنت قريبة من ربنا مش بعيدة عنه كمان هو انا ينفع ادعي بطول العمر لان ربنا قال لا تسالوني عن غد فاني لم اسالكم عمل غد كمان انا بفتكر ذكريات ااماضي كتير وحاجات مكنتش اتخيل ان انا ممكن افتكرها وانا قرات قبل كده ان تذكر ذكريات الماضي هو موت بالبطئ
ارجوكم ساعدوني انا بانهار امتحاناتي علي الابواب وطول الاربع اسابيع ماذكرتش اي حاجة حاجة بتقولي من جوايا انك اساسا مش هتروحي الامتحانات لانك هتموتي والله انا بتقهر كل شوية ماببطلش عييط
وانا اسفة ان انا طولت وارجو انكو تفهموني وارجو الدعاء