نفساني - عرض مشاركة واحدة - زواج السعوديه من غير السعودي ( الأجنبي ).

19-06-2015, 03:09 AM

اقتباس:

المشاركة الأصلية كتبت بواسطة هيندا

أهلاً اخت ولاء مبتعثه كل سنة وانتي طيبة يارب.. الحمدالله انك دخلتي
حابه استفسر منك بالنسبة لمن الأوراق تروح للسفارة وياخد خطيبي منهم الطلبات هل اقدر اسافر بفيزة زيارة عشان اعقد او لازم بفيزة زواج لانوا المركز الاسلامي الي السفارة معترفة بيه يقول لازم اول شي تعقد بالمحكمة وبعدين تجيب دي شهادة الزواج من المحكمة ونعقدلك في المركز يعني اول شي بالمحكمة وبعدين بالمركز الإسلامي التابع للسفارة ؟
ايش صارمعاك بالمحكمة بكندا اخت ولاء قلتي انو يحتاج 3شهور؟ وهل عقدتي في اي مركز اسلامي يعني عادي تعرف بيه السفارة لان ممكن كندا تختلف عن بريطانيا؟
تحياتي لك اخت ولاء ودمتي بخير..

اهلًا هيندا
الموضوع سهل جدا ، تروحوا الستي هول او المحكمة المكان اللي يتم فيها طلب أوراق الزواج ، هما يعطوك إياه بمبلغ و قدره و يسألوك تبغيه مدني او ديني . انا اخترت ديني و عطوني الأوراق و رحت للمركز الاسلامي و ياخدوا الورق منك و يعقد لك الامام .
هذا الورق اللي ياخده الامام يختمه و يرجع تاني للسيتي هول ولا المحكمة و يتسجل الزواج رسمي . بالنسبه لي تسجيل العقد ياخد 3 أشهر لانه المكان يغطي المقاطعه كلها و المواليد و الوفيات .
بالنسبه الفيزا اي فيزا ساريه المفعول أتوقع عادي سواء زائر او بزنسس ما أتوقع يقولوا حاجه
في نقطه طلبوها مني وهو اثباتين الشخصيه فاخدت جواز سفري و رخصه القياده تبعي . فحوالي مثلا تجيبي شهاده ميلادك و تترجميها و اختميها في حال طلبوا منك عده إثباتات
بالنسبه لوضعي الحالي انا كلمت السفارة و قالوا ممكن نعطي زوجك فيزا زائر يروح بيها السعوديه عبال ما تجهز أوراقك هنا في كندا و ان شاءالله رايحه الأسبوع الجاي اقدم عليها

للتوضيح هذا كله في كندا ، احسن حاجه خطيبك يروح للسيتي هول او المحكمة او يشيك اون لاين و يشوف ايش إجراءاتهم في البلد اللي هوا فيه و عموما الموضوع سهل جدا في الخارج ولله الحمد

بالتوفيق عزيزتي