نفساني - عرض مشاركة واحدة - اختبار التنفس يوريا الكربون المشع 14 لجرثومة المعده هو سبب الاكتئاب والهلع والوسواس

26-10-2015, 01:33 PM

اخوي الله يرضى عليك فيه نوعين من اختبار النفخ فيه الكربون المشع 14هو الممنوع والمستخدم عندنا قبل
وفيه الكربون المشع 13
هو المعتمد الحين وبعد له أضرار على حسب مناعة الشخص لكن أقل تأثير من السابق

اخوي أبيك تجيب واحد يشكي بطنه و استخدم اختبار النفخ 14 ولا يعاني إلى يومك هذا من استمرار الاعراض المذكوره بسبب الفحص هذا اللي سبب زيادة اللتهابات والتقرحات في الجهاز الهضمي وخلل في الجهاز المناعي صار يتحسس جسمه من أي شي يأكله والأعراض المذكوره في السابق تجيه بسبب سمية مادة اليوريا لا والكربون المشع له أضرار أشد

لكن اللي فحص بالدم مافيه شي ويتشافى المريض على طول والدليل الموجودين اللي في المنتدى وغيره الى يومك وهم يشكون وبمكانك تأكد ادخل المواقع الأجنبية وشف واكتب أضرار الكربون المشع 14 واليوريا راح تشوف الفضايح وأيضا أسأل الموجودين هنا بعد ما اكلوا الحبه وسووا الاختبار وش صار فيهم راح يذكرون نفس الأعراض اللي انت تشكي منها .

وبالنسبة للي يفحص ولا يكون فيه شي صدقني ماراح يمر وقت إلا وراح الأعراض تجيه بالتدريج لأنه ماجاء الطبيب يوم يفحص يتألم منها بطنه.
وانا هدفي في الأول والأخير يعلم الله اني انقل لك كلام موثق من شخص ثقه

والإنسان العاقل راح يفكر بكلامي زين ويحلله ويعرف اني على حق وللعلم من دخلت المنتدى ماجبت أي معلومه أشك أنها ماهي صحيحه.

ولولا ظروفي كان أوضح بالتفصيل وارد على أي سؤال المعذره يااخوان اذا مارديت على أي سؤال ثاني

ولك كل التحيه والتقدير