نفساني - عرض مشاركة واحدة

01-01-2016, 02:06 PM

اقتباس:

المشاركة الأصلية كتبت بواسطة ألم مستمر

هلا أخوي ماندوزا بس أكثر الناس يتخوف من الادوية النفسية عشان كذا يطول معهم المرض بداية العلاج فية أعراض جانبية قوية لكل دواء حتى الادوية الي للامراض العضوية فية أثار جانبية قوية جدآ لكن أن من وجهة نظري أن العلاج السلوكي يلعب دور كبير وأعتقد اذا طبق بشكل صحيح يقضي على المرض تمام وهذا الي صار مع أحد الاعضاء الله يذكرة بالخير قضى على المرض تمامن بدون حبة دواء واحدة

صحيح اخوي الم ممكن الشفاء بالامور السلوكيه لكن احد يقدر يقول ايش هي الامور السلوكيه؟ طبعا لا لان الحلول الي دايم يعطونها هي عباره عن التطنيش وطبعا بسيط الكلام هذا لان احنا مجتمع متعودين على شي اسمه طنش لكن المرض هذا ما يمشي معاه التطنيش لان الافكار منشأها العقل الي هو نفس العقل الي بتطنش فيه يعني مافي فايدن تغزيها بنفس السلاح يعني قوتين متساويه والنتيجه معارك لا تنتهي للابد.

اما اعراض الدواء الجانبيه ... يعني معليش واحد يعاني سنين عجزان يتحمل شهر ؟؟ ما اتوقع

اما الي يتعالج من غير علاج والي يقول انا فقط قرأت قرآن وصليت ... يعني احنا شعب مسلم وكلنا نقرأ قرآن ونصلي وندعو ليش جانا المرض الا لو فيه شي ثاني ما نعرفه ،، والناس الي تنصاب بعضها مقصر وبعضها لا وتقدر تشوف قصص كثير ملتزمين دينيا واصابو بالقلق يعني هذا مرض ماله دخل بإيمانك او ضعفك او اي شي، لازم تعالجه العلاج الصحيح. قد تمر فترات على المرض اقدر اسميها شهر العسل وكأنه اختفى لكنه يعود مهما حاولت.

والناس الي تتعالج من غير دواء انا اجزم ان نصهم اما مو مريضين اصلا او انه مرت عليه فترة ضيقه الي تمر علينا كلنا قبل المرض وتزول او انه يستخدم علاج ويخاطب الناس الي ما تستخدمه عشان يحمسهم فقط.

ايضا فيه نقطه اخرى مهمه، العلاج يخلي تفكيرك صائب يعني يعدل تفكيرك ف يعتقد الي يستخدم العلاج انه يقدر على المرض بدونه فيجي متحمس يكتب ما تحتاجون علاج والمرض سخيف لانه ببساطه العلاج رفع مزاجه ويعتقد ان العلاج ماله لزمه لانه قهر المرض بنفسه. البعض كذا يعتقد ان العلاج في يوم من الايام تصحى اوكي فجأه وهذا مو صح العلاج يرفع مزاجك بالتدريج عشان كذا الفكره تصغر بالتدريج وتسخف بالتدريج وعشان كذا يعتقد انه قاومها بنفسه.

ف يتركه ويقول المرض سخيف ،، وينتكس لانه ترك كل شي ويجي هنا مره ثانيه ويقول حتني نكسه وتنعاد السالفه من جديد.

انا هنا ما ابيع السمك بالبحر ، اعطي الزبده دايم سواء مؤلمه او سعيده وعاد الله كريم هههههههههههه

شكرا لك اخوي الم مستمر عسى ربي يوقف المك