نفساني - عرض مشاركة واحدة

04-02-2016, 04:30 AM

اختي رنا السلام عليكم ورحمة الله وبركاته .... والله يا اختي انا صار لي نفس الشي وعظم منك احيانا اذا نمت احلم بكوابيس وقبور وبيوت طين مظلمه . هذا وسواس الموت مامنه ضرر ابدا مجرد افكار وسواسية ... كنت اتذكر اني في النهار يصير اقوى من الليل ويجيني الم في الذراع الايسر ( الى الان لم يكتشفوا سبب الالم في الذراع الايسر بالذات ) ويجيك خفقان في القلب واكتئاب من شدة القلق وقلة نوم . والشهية تصير صفر يعني ماودك تاكلين شي وحيانا الم في المعده وانتفاخ في البطن
ويجيك خوف غير مبرر وتصيرين تخافين من الخوف نفسه . واي شي يصير لك كانه تهديد لحياتك وتختفي البسمة ويقل الكلام واكتئاب فظيع . وتجيني ضيق في التنفس . يصبح كل شي عندك معاد له طعم زي الاول حتى الفرحة صارت تختلف عما كانت من قبل . انا لما جتني هالحله احسب اني انا الشخص الوحيد الي عنده هالحاله لانه وقتها مافيه انترنت كمان وقتها الناس تنظر الى المريض النفسي نظره سوداوية . وكنت اسرح كثير ويقل التركيز . وتجيك اشياء لم تكن تعهدينها من قبل اشياء غريبه
........................... كل ها لاعراض تجيك غصب عليك . بعدها اكتشفت انها كذبة لا حقيقة لها نحن الذين سببنا لانفسنا هذا لاننا ابتعدنا عن الدين . قد تكون ( عين او سحر ) لا اعلم والله لانها تحدث فجأة بدون مقدمات يمكن يجيك نوبات هلع
بس مو معنا هذا انك تستسلمين وتصيرين تخافين من كل صغيرة وكبيره . اعلم انها احيانا تصير غصب عليك لكن نسينا سبب مهم جدا الا وهو كيف نحن مع الله .
ليش نخاف والله يقول ( ومن يتوكل على الله فهو حسبه ) يعني مارح يجيك شي بأذن الله .
من اذكار الصباح والمساء ( بسم الله الذي لا يضر مع اسمه شئ في الارض ولا في السماء وهو السميع العليم ) ثلاث مرات يعني ثقي بالله انه مارح يجيك شي ولا ابن امه يقدر يسوي لك شي ... يقول واحد من السلف نسيتها يوم فشلت يدي
توكلي على الله حق التوكل وكل مازاد الايمان زادت قوة التوكل واطمأن قلبك . اقري قرأن وقلبك حاضر ..... كل يوم قومي الليل وصلي وفي كل ركعه اقري من جوالك نصف جزء واسجدي لله وانطرحي بين يديه وادعي من قلبك واحسني الظن بالله
لا تعطين الشيطان فرصة يوسوس عليك ترى الشيطان حريص جدا ( انما النجوى من الشيطان ليحزن الذين امنوا ) الشيطان حريص جدا انك تعيشين في كأبه وخوف وقلق ووسايس لذلك لا تعطينه وجه . ومارح يضرك ابدا .. وترى الصيام ممتاز جدا جدا لمثل حالتك , صدقيني بأذن الله ان ترجع حياتك طبيعيه واحسن من قبل .. احيانا اذا مات قريب لكم او قريب في الجرايد ان احد مات ينتابك نوع من الخوف , ترى هذا من الشيطان . لا تفوتك اذكار الصباح و المساء احفظيها عن ظهر قلب
ولا تفوتك الصلوات في وقتها استعيني بالله في امورك كلها ودائما صلى النبي صلى الله عليه وسلم . وستغفري . وكرري سبحان الله والحمد لله ولا اله الا الله والله اكبر . ولاتنسين حسبى الله لا الله الا هو عليه توكلت وهو رب العرش العظيم اذ خفتي من اي شي , ولا اله الان انت سبحانك اني كنت من الظالمين كرريها . ترى في البداية بتتعبين لكن استعيني بالله وخل عندك عزيمة واصرار , استمري عليها اسبوع اسبوعين شهر شهرين مافيه مشكله , اذا شفتي وانا واثق بأذن الله واصلي القراة والقيام والصيام . والصدقة والاذكار ..... وزي ماقلت لك ترى الي فيك خررررررررررررررررررررررررررررررررررررررررررررررررر رراط اخترعه عقلك وانتقل الى العقل الباطن . يعني مجرد اوهام ووساوس