المشاركة الأصلية كتبت بواسطة رسوم متحركة

احكموا لي و الا علي

وديت امي و اختي المستشفى المهم قالوا لي روح و مثل العادة اروح بعدها و نكون على اتصال الى خلصوا اجيهم مفهوم

جوالي حينها طفيت بطاريته . يعني مافي اتصال بيني و بينهم و لا راح ادري هم خلصوا و اجيهم و الا ما خلصوا

وقتها رحت للسكرتية اقولهم في تلفون عندكم يقولون لا . وش اسوي يا ربي و النساوين واجد من وين اطلع امي و اختي من بينهم و كذلك الرجال واجد كيف بيدققون فيني بين عشرات الموجودين و الموجودات

قلت يا رجل دامها خاربة خاربة باروح لوحدة كبيرة في سنها و اشوف عندها جوال و اطلبها تتصل على رقم امي

المهم و الله و القى لي هذيك المره تفرستها زين :) انها ما راح تسوي لي شوشرة بين عشرات الناس و انتم اعرف بالحالة الإجتماعية في بلدنا

و قلت لها : يا خالة كذا كذا كذا وافقت الله يجزاها خيرها و توقعت انها راح توافق و تمت اللقيا بعد الضياع

بعضكم راح يقول ان هذا غلط علشان ?!
بعضكم راح يقول شي عادي
بعضكم راح يتردد

بس ختام القول اني عرفت ان مجتمعنا مجتمع راعي فزعة و ابشر بسعدك :)

تحياتي