نفساني - عرض مشاركة واحدة

23-04-2016, 03:17 PM

اقتباس:

المشاركة الأصلية كتبت بواسطة نوايا حسنه

ليه ماعجبتك الخلطه

لا السالفة كلها ما أعجبتني

لأني أول مرة أشوف دكتور يوصف علاج وجرعة ..... بدون ما يسأل المريض وش العلاج اللي يستخدمه وهل يوقفه أو لأ

وثاني شيء يرجع يسأله بعد وقت عن المرض اللي يعاني منه

وثالث شيء يجيه بعد وقت ويسأله إذا عنده ضغط أو سكر

ورابع شيء يقول لمريض بالوسواس والتوتر لا تقرأ عن الأعراض الجانبية في النشرة .... ولا بلّغ المريض عن الأعراض الجانبية .. ولا عن الأعراض اللي إذا ظهرت مع المريض لابد يقابل طبيب في أسرع وقت

وفي النهاية الدكتور نفسه مو لاقي علاج يخفف من آلامه ... هذا إذا هو دكتور

وقبل كل شيء ... أحترم الإدارة ولكن هذي مخالفة واضحة في التهاون بصرف الأدوية من قبل الأعضاء

وأستغرب إن ما فيه أي أحد قدم نصيحة حقيقية للأخت نوايا ... يعني لا الإدارة تدخلت وهي موجودة هنا ... ولا الأخ العزيز محمد البدراني تدخل وهو موجود هنا .. وهو في نفس الوقت يلعن اللي إخترع الأدوي النفسية هنا

أنتم شايفين إن الأخت نوايا منتهيه نفسيا ؟ معها إكتئاب حاد ؟ حالتها معقدة ؟ عندها ميول إنتحارية ؟ ضعيفة ؟

الكل بيجاوب بــ (( لأ ))

شخصيتك مافيها إلا العافية .. مزاجك ثابت ولا إنتي متقلبة الشخصية ... نفسك خفيفة وتسلكين مع الناس في أحاديثهم .. عندك إقبال على الحياة ولكن لظرف ما زادت ضيقتك ونفسيتك تعبت .. وبإذن الله انك قوية وقادرة تتجاوزين ظرفك الحالي وأنا أشوف عندك كل الإمكانات اللي من الممكن إنها تساعدك ... من منطق ومن شخصية ومن حالة مادية ومن ناحية سنّك والخ من الإمكانيات اللي عندك وإنتي أعرف الناس فيها

يا إخوان أرجوكم ... مو كل شيء يصلح لك يصلح لغيرك ... فما بالكم بالشيء اللي أساسا ما صلح معكم كيف تنصحون غيركم فيه !!؟

إذا شخص يحب يساعد الناس وبنفس الوقت يمر بحالة عدم إتزان نفسي لابد إنه يكبح جماح نفسه عن التهور في نصائح ماهو متأكد 100% إنها راح تنفع ولا راح تضر أخوه .. يا إخوان أنتم ما تنصحون ببنادول أو بروفين أو روفيناك .. هذي أدوية تفرمت سستم الجسم وتقلبه فوق تحت وممكن تنجح وممكن ما تنجح .. وحتى لو نجحت إحتمال إن التحسن ما يستمر ويؤدي لإنتكاسات

وإنتي يا نوايا مالك ومال هالدوامة هذي ؟؟
اصبري شوي وكافحي ... أصلا اللي يقول لك علاج الأمراض النفسية مثل الاكتئاب والوسواس والتوتر هو بالأدوية أولا (( غلطاااان )) أهم شيء في العلاج هو العلاج السلوكي وانك تعدلين من الأفكار السلبية وتعززين الأفكار الإيجابية وتتفهمين الشيء اللي حاصل معك

ولو فيه دكتور فاهم تسألينه وتقولين ابي تحدد لي خيار واحد .. أتعالج بحبوب أو أتعالج سلوكيا ومعرفيا ... بيقولك إذا مصره على خيار واحد فهو العلاج السلوكي لأنه هو الأساس

الأدوية هي مكملة للعلاج بتصحيح الأفكار .... ماهو إلتهاب هو تاكلين مضاد حيوي لمدة اسبوع وتطيبين ... هذي أدوية مساعدة في إنك تستعيدين التوازن النفسي وتصححين الأفكار السلبية اللي عندك ومنها تتجاوزين الظروف والضغوط اللي تمر عليك بدون ما تتفاقم الحالة

بالعربي الفصيح ... أنا أبي من الأخ رسوم يعلق بنفسه على تجربته مع الأدوية من طقطق للسلام عليكم ومن كم سنة .. وأبي الأخ محمد البدراني يفيدك أيضا ويقول لك عن تجربته ... والعاقل يستنتج الخيار الصحيح من إجابتهم .. وهل عندك استعداد تراهنين على مستقبلك النفسي دون نتيجة متوقعة واضحة ؟ وتتحملين العواقب إذا حالتك تفاقمت مع مرور الوقت وكل شوي تجربين علاج ؟؟ هذا مو بنادول ولا شراب كحه

وسلامتكم ??