نفساني - عرض مشاركة واحدة

11-06-2016, 12:09 AM

اقتباس:

المشاركة الأصلية كتبت بواسطة داعيه ربها

سمعت انو البروزاك افضل ليت الدكتور كتب لي بروزاك

البروزاك مش افضل من السيروكسات في الهلع لاني جربته ما نفعش وكمان البروزاك بينفع في حاله واحده فقط
هشرحلك ايه هي
البروزاك له ايضا اعراض جانبيه في البدايه ويمكن كمان اعلي من السيروكسات سي ار
اما البروزاك ممكن تاخديه في فتره ايقاف العلاج
يعني لما توقفي علاج السيروكسات سي ار في نهايه الكورس العلاجي
مثلا هتاخدي اليوم حبه سيروكسات واليوم اللي مش هتاخدي فيه سيروكسات تاخدي بروزاك وده بيكون لمده شهر يعني يوم حبه سيروكسات ويوم بروزاك لمده شهر وتوقفي العلاج
ده لسبب بسيط هو ان البروزاك ليس لديه آثار انسحابية ويتميز بوجود إفرازات ثانوية تظل في دم الإنسان لفترة طويلة.
بالتالي
مش هتحسي بالاعراض الانسحابيه واعتقد ان اي طبيب هيقولك كده
غير ان مثلا لو جرعتك من السيروكسات حبه واحده يوميا ففي نهايه الكورس اقطعي بالتدريج
حبه يوم بعد يوم وحبه 12.5 يوم بعد يوم وهكذا لمده شهر وهتختفي الاعراض الانسحابيه
بس خلينا الوقتي في مرحله البدايه ووقت سحب العلاج باذن الله هنقولك الطريقه بالتفصيل الممل
اثبتي واتقوي وباذن الله خير عشان على العيد باذن الله تيجي هنا وتقولي انا شفيت والحمد لله

ودعواتنا معاكي اطمني خالص مفيش خوف ولا خطر ولا ضرر ولا اي شيء كان مفيش مهديء تحملي شوية بالخروج والمشي والاسترخاء والراحه والاكل كلي كويس جدا ونظمي اكلك لو جسمك من النوع اللي بيكون قابيله للزياده بسرعه
السيروكسات هيزود وزنك وده بيكون في الفتره الاولي يعني فتره اربع شهور وبعدها مش بيزود الوزن لكن فيه اجسام بتتقبل الزياده في الوزن
انا مثلا استعملت السيروكسات سي ار عامين ونصف وزني ما زادش في العامين ونصف الا 6 كيلو جرام
وده بسبب اني مثلا بلعب كورة غير ان جسمي مش من النوع اللي يسمن
اما لو جسمك من النوع ده فنظمي اكلك كويس وخلي الفاكهه بديل مثالي للزياده في الشهيه
وأي استفسار يا اختي انا تحت أمرك حسب معرفتي