نفساني - عرض مشاركة واحدة

17-06-2016, 04:33 AM

كل ده تفكير وهمي مالوش اي اساس من الصحه مجرد انك شغلتي عقلك بشوية امور ومتابعات مالهاش اي معني على الاطلاق

ثانيا وده الاهم لو فضلتي تفكري من هنا للسنه الجايه مفيش حاجه هتقلب معاكي عضوي
يعني لو قعدتي تفكري ان عندك انخفاض في السكر ومتوتره ان يجيلك السكري لا قدر الله
مش هيجيلك سكر لو قعدتي تفكري ان قلبك بيدق سريع وان هيصيبك ازمه قلبيه مش هيصيبك ازمه قلبيه باذن الله
ليه لأن ده تفكير عقلي وهمي مش حقيقي الامراض ليها اسباب الازمات القلبيه والسكر وغيرها من الامراض عافانا الله منها لها اسباب وبما انك سليمه فاطمني تماما وهمك وتفكيرك مش هيقلب عضوي الهلع مش بيقلب بامراض عضوية على الجسم

المساله كلها في دماغك انتي اللي شاغله نفسك بالتفكير
طب الاحاسيس المؤلمه دي سببها ايه
طبعا سببها التوتر لا اكثر ولا اقل
اي انه قلق مخاوف
نعم باختصار لديك هلع وصاحبه وسواس وقلق مخاوف كعاده من يصبهم نوبات الهلع
طب اعمل ايه
اولا اتعالج دوائي
ثانيا اتعالج سلوكي
وفي النص بينهم امارس حياتي بشكل طبيعي مع الالم
هيحصل ايه بعد كده هيحصل كتير خصوصا الفقره اللي في النص امارس حياتي بشكل طبيعي رغم الالم ليه اقولك ليه
عشان هتبدأ الاوهام تقل تدريجي هيبدأ التوتر يخف لأن الجسم بيتأقلم ان التوتر مالوش معني وانك وقتها هتخلي الامور منطقيه لعقلك بالتالي التوتر هيقل تدريجي
طب العلاج هيعمل ايه
العلاج هيعمل معالجه وتركيز للجسم والعقل ويخلي الجسم يقاوم الاوهام دي والتوتر ومش هتلاقي اي مشكلات اصلا
طب العلاج السلوكي ايه فايدته
الناس كلها مفكره ان العلاج السلوكي عباره عن شوية دردشه مع الدكتور وخلاص
العلاج السلوكي باختصار مش محتاج دكتور لأن التمارين السلوكيه موجوده على النت العلاج السلوكي محتاجني أنا شخصيا احط قدامي هدف كبير يشغلني ويشغل وقتي وتفكيري
اطمني ما تقلقيش خالص فكري زي ما تحبي مفيش ادني مشكله مفيش حاجه اصلا هتحصلك باذن الله
بس خدي الدوا لانه هيفيدك واستشيري الطبيب بخصوص الدواء المناسب لوضعك وباذن الله خير وزي ما بيقولوا في مصر حطي في بطنك بطيخه صيفي كل الهلع والتوتر الى زوال عاجلا ام اجلا باذن الله