نفساني - عرض مشاركة واحدة - زواج السعوديه من غير السعودي ( الأجنبي ).

03-08-2016, 12:31 AM

اقتباس:

المشاركة الأصلية كتبت بواسطة سمر ت

السلام عليكم جميعا

الله يوفقكم ويسعدكم ويفرج همكم

ابغا مساعدتكم ضروري الله يخليكم

انا معاملتي رايحة جية بين الداخلية ومكة من محرم كل شوية شي ناقص
انا سعودية وخطيبي لبناني و كل الشروط مستوفاه
حاليا هي في الداخلية
الحالة (مغلق)
و صدرت الى الشؤون الامنية تاريخ 26/10

سمعت كتير عن الشؤون الامنية وان المعاملات فيها تطول الى سته شهور و اكتر ودحين مرة خايفة ان يكون فيه شي في المعاملة
فحابة اعرف ايش يحصل دحين؟ اتواصل مع مين؟ كيف اتابعها؟ هل لازم اقلق كتير؟
انا متابعة الموضوع من زمان وكنت مجمعة كل المعلومات بس للاسف جهازي خرب فكل شي ضاع و ما شاالله الموضوع سار كبير لدرجة اني ضعت فيه
في احد من الاخوان في الردود السابقة جلست معامله تقريبا شهر هناك فهل دا طبيعي؟؟

اتمنى ان اي احد يرد علي و لكم خالص الشكر

ملاحظة: انا ابدا ما جاني شي عالجوال كيف ممكن توصلني الرسايل ؟؟

مدام الشروط مستوفيه يعني ان شاء الله مسألة وقت
ما يحتاج تقلقي..
و بالشؤون الامنيه غالبا تاخد من شهر لشهرين اجراء روتيني
يعني ما تطول ان شاء الله
تابعيها بالموقع بس لمن تخلص حتتصدر لامارة مكه
تجيكي الرسايل ع رقم الجوال المسجل بالمعامله

بس ليش معاملتك من محرم؟؟
كيف بدأت من فين وكيف كان مسارها؟