المشاركة الأصلية كتبت بواسطة عبدالله سلمان

الله يشفيك ويعافيك يارب

ونصيحتي يا اختي دام عندك كل هالأعراض هذي .. زوري دكتور باطنية لأنه 99% عندك تهيج قولون للأسف

هو شيء عادي ولا هو خطير ولا يسبب لك أي شيء على المدى الطويل .. ولكن هو سبب الأشياء اللي تمر عليك من وساوس ومن آلام ومن غصة بالحلق نتيجة الإرتجاع المريئي

لذلك نصيحة أخ جرب هالشيء وأتمنى تختصرين الطريق وتتفهمين وضعك من الآخر ... أنا زمان ما خليت طبيب ما زرته من قلب ومن عظام ومن مسالك وكلى ... لذلك أدعوك تزورين طبيب باطنية وتشرحين له كل الأعراض اللي معك

شد الظهر والآلام في الجنبين والأكتاف ونغزات القلب وألم أعلى الصدر وتنميل الرأس وشد بالرأس خصوصا من الخلف .. غازات وانتفاخ البطن ... الإحساس بطعنات داخل البطن والأجناب .. الإحساس بضعف جهة القلب وضعف اليد اليسار والرجل اليسار شرقة وغصة بالحلق .. أحلام وكوابيس .. قلق وسوسة توتر اضطراب في النوم <<<< كل كل هالأشياء ممكن يسببها تهيج القولون


بس تطمني على الآخر من مجرررب .. كل هالأشياء غير خطيرة ولا تؤثر عليك بإذن الله .. أشياء عادية متى ما تفهمتيها راح تخف بشكل كبييير وتتلاشى مع الانتباه لنفسك بإذن الله
والله يجمع لك بين الأجر والعافية