نفساني - عرض مشاركة واحدة

18-09-2016, 07:59 PM

السلام عليكم ورحمة الله وبركاته

اشكر القائمين على هذا الموقع وأسأل الله ان ما يحرمكم الأجر ولا يوريكم مكروه ويشفي كل من هو يعاني من كل الأمراض

قصتي بإختصار وانا صغير تقريبا كان عمري 12 سنه كانت تجيني رهبه وخوف من صلاة الجمعة وكنت ما اصلي الا في اخر صف وكنت احس بدوخه وان راح يجيني صرع المهم ربي عدى ذيك الأيام وراحت الرهبه وحالياً عمري 27 سنه رجعت وبزيادة لدرجة اني اخاف من كل شي وطول الوقت قلقان ومتور ووقت الصلاة تجيني دوخه ورجفه واتعرق وكذلك في الدوام وانا كنت دايم اسافر بالطيران وكنت مبتعث لأمريكا كنت انام طول الرحلة والآن خايف خوف منها لدرجة اني ارجف اذا فكرت اركب طيارة والحمدلله انا متفهم ان هذا كله وهم واعرف انه ما بيصير ولا شي بس لمن تزيد نبضات القلب واعرق وارجف هنا عقلي يوقف.

المهم انا قرأت في موقع عن حالات وشفت علاج لوسترال وكيف فعاليته مع اللي جربوه وانا اشتريت العلاج بعد الاستخاره وبدأت استخدامه لمدة 4 ايام بمقدار حبه 50 كل صباح وكان يجيني نوم مو طبيعي واحس اني مو على طبيعتي استخرت الله ودعيته في جوف الليل انه هو الشافي ما ابغا اي علاج كيميائي ياربي انت دوائي وشفائي وسرت في كل فرض اصليه ادعي في السجود انه يشفيني من الرهاب والخوف والقلق والتوتر والرجفه اسأله بما سأله عباده الصالحين والأنبياء والرسل صدقوني من يومها ولا عاد جاني الرهاب وسرت اصلي في الصف الأول وازيدكم من الشعر بيت كنت لمن اصلي بالناس اتوتر مررره بعد ما الله عافاني صليت بالناس بالمسجد والحمدلله كنت واثق ..
يا جماعة الموضوع جداً بسيط الدعاء من الله والثقه انه راح يشفيكم ولاتتركون الصلاة صلاة الفجر في الجماعة وربي انها كنز من كنوز الدنيا
قبل لاتروح لصلاة الفجر خذ لك كاسة فيها مويه مغليه وحط ملعقة من (البابونج) تلقاها عند العطار حطها بكاسة المويه 10 دقايق واشربها تريح اعصابك وتخليك زي الحلاوة
اذا كنت مثلا تخاف تصلي في الجماعة وتصلي في اخر صف عاند نفسك واوثق من قلبك انك طبيعي ومافي شي وهذي كلها اوهام واتعوذ من الشيطان وان شاء الله ما راح تجيك مره ثانيه .. اي شي تخاف منه سويه صدقني بتكسر الحاجز وترجع انسان طبيعي وخالط الناس لاتجلس لوحدك حاول انك ماترجع البيت الا للنوم
وسجل في نادي اقل شي اجلس فيه ساعه اتمرن واجري وسولف مع اللي في النادي لاتخلي مجال للرهاب في تفكيرك
والأذكار مع كل فرض حصن نفسك وخلي كلمة لا اله الا الله دائما على لسانك والله حياتكم راح تتغير بإذن الله بس انت اوثق بالله ثقه عمياء ووكله الأمر .
الحمدلله سرت اصلي بالناس في المسجد وقلبي واثق واول كنت اخاف اصلي في اخر صف
والله الموضوع جداً بسيط احنا نعاني من هذا الرهاب عشان عشنا حياة قاسية ما كان يسمح لنا نتكلم واحنا صغار قدام الرجال واذا اتكلمنا تنكسر رقبتنا وكذلك تجربتنا في المدارس من ظلم وضرب من المعلمين هذي نتايجها والحمدلله على كل حال
اعتذر عن الإطالة ويارب انك تشافي كل انسان يعاني من هذا الإبتلاء ودعواتكم لي

بالقرآن أحيا معجب بهذا

المصدر: نفساني