بعد كل اللي حكيتي عنه
حصل حاجه
موتي

كل دي اوهام
الحقيقه اللي لازم نعرفها ان الموت علينا حق هنموت يعني هنموت

لكن متي الموت
ميعاد الموت كلها امور مجهوله وحتي كيفيه الموت
يبقي ليه اشغل بالي بما هو مجهول تماما
لما الوسواس هيقولك انتي هتموتي تفتكري بالمنطق هتصدقيه ازاي
اذا كان الموت في علم الله وحده ولا سواه
فهل الوسواس يعلم الغيب
المنطق والعقل بيقول
لما الصوت يقولك انتي هتموتي
ياريت يكون ردك عليه كده
وماله لما اموت كلنا هنموت قوليله يلا موتني
شوفي رد فعلك وشوفي الافكار اللي في راسك هيكون ردها ايه
مع الوقت العقل هيبدأ يبرمج نفسه على احتقار الوسواس بالتالي فكره وهتموت وتختفي
موضوع الاحلام والقبر وغيرها من الامور
عادي الاحلام احيانا بتكون انعكاس للواقع من الضغوط اللي بنمر فيها انا شايف انها امر طبيعي من الوساوس اللي بتمري بيه
انا ذات نفسي لما اصبت بنوبات الهلع وكنت بخاف من الموت كان الامر مرعب معايا كنت فعلا بحلم بمقابل وترب
وحتي لما خفيت من الهلع واتشافيت منه وقطعت الادويه والامور تماما
مازلت بحلم بعض الاوقات بالموت والمقابر والاموات وغيرها تفتكري بيكون رد فعلي ايه
اذا الحلم صحاني من النوم مفزوع اول حاجه بتدور في راسي انه حلم ومالوش اي تأثير كان لا عليا ولا علي جسمي
بتعوذ بالله من الشيطان الرجيم واشرب شوية ميه واروح تاني نايم
ولو صحيت وتفكيري كله في الجلم انه كان مرعب وخلافه مش بهتز على فكره بقول عادي مش فارقه
ولو لقيت جنازه بروحها لأن حضور الجنازات والدفن فيه فايدتين الاولي انه عظه والثانيه انه بيقوي القلب للأفكار دي

وأنا شايف ان الامر ده موضوع بسيط وهيعدي باذن الله بدون اي مشكلات هو مقرف فقط

بس طالما بتقومي بواجبك وبتصلي وبتعملي ما يرضي الله يبقي ما تخافيش من الموت
واطمني تماما
وعيشي حياتك لأنها جميله وحلوه