هو من حيث الفعاليه نجح معي وبسرعه وفي وقت قياسي يعني التحسن منه جاني بعد 21 يوم بالتمام والكمال حسيت ان كل حاجه اختفت
في خلال شهر ونصف كان تحسني كامل ولله الحمد بدون اي مشاكل نهائيا

اما عن الشهيه فهو طبعا بيفتح الشهيه للاكل
وزياده الوزن في كل الادويه سواء سيروكسات او غيره
لكن مع موضوع زياده الوزن كان طفيف يعني كل اللي زدته في 3 سنين كان 8 كيلو فقط ونزلت منهم 2 كيلو تقريبا

مع اني لا عاني من اي مشكلات سواء في فقر دم او انيميا او غيرها ولكن طول عمري ده وزني ودي طبيعه جسمي مش بيزيد الا فين وفين ممكن عشان انا بلعب كورة كتير وممكن دي طبيعه جسمي المهم

طولي 180 سم وزني 72 كيلو

طبيعيه جسمي مش بتقبل الزياده الا فين وفين وبصعوبه حتي السيروكسات ما نفعش في زياده وزني

اما على مستوي الاكل صراحه بيخليك تاكل وخصوصا السكريات وبما اني من دمياط فمش هتكلم عن الحلويات بقي كنت باكل منها كتير
يا راجل انا لما دخلت للدكتور قالي انا لما وصفت لك السيروكسات كنت متوقع ان وزنك هيزيد لما سافرت الكويت ونزلت بعد سنه ونصف وروحت للدكتور كنوع من الشكر ليه واقوله اني خفيت جدا وبقطع العلاج استغرب قالي انا متوقع ان انت وزنك هيكون زايد بس انت زي ما انت دي ممتازه جدا
جرعتي علي السيروكسات كانت 37.5 يوميا
سيروكسات سي ار الاصلي كان بيقطع ايدي مصاريف سعر العلبه في مصر 120 جنيه وفي الكويت 15 دينار بس كله يهون الصحه لا تقدر بمال

فيه ناس بقي اتحسنت على السيروكسات ووزها زاد زياده كبيره
بالتالي اساسا لو انت جسمك بيزيد عادي انت محتاج انك بقل لما تاخد سيروكسات حاجتين
تستبدل السكريات بالفاكهه
وكمان تنظم وجباتك يعني تاكل طبيعي ولكن لا تفرط لانك مش هتحس بشبع كامل
واصلا الزياده في الشهور الاولي يعني اربع شهور كده وبعدها الامور بتبقي كويسه
وانت اصلا لو لعبت كورة هتتغلب على مشكله الوزن من اول يوم بس العب 3 ماتشات اسبوعيا وامشي كتير واجري
ومش هيفرق معاك سيروكسات ولا بطيخ