نفساني - عرض مشاركة واحدة

20-03-2017, 03:25 AM

السلام عليكم ورحمة الله وبركاته ..
انا عضوة جديدة شفت المنتدى بالصدفة وانا اسوي بحث عن الاعراض اللي عندي واحس فيها
انا من قبل رمضان اللي فات حسيت فجاءة قبل ماانام بضيق تنفس ودوخة ونبضات قلب سريعه ورحت المستشفى وصلحو لي تخطيط وتحليل فقر دم والحمدلله كلها طلعت كويسة
وقال لي الدكتور امكن حساسية اكل لاني اكلت قبلها روبيان
وكنت اكلها مااحس بهذي الاعراض
واعطاني كونكور منظم دقات القلب وحبوب للحساسية
وجاتني الاعراض في شوال فجاءة وانا بنام
حسيت بخفقان ونبضات قلب سريعه وجسمي كله يرتجف
واحس شي بيخرج من فوق راسي وبرودة في الاطراف واحس اني بدوخ وضيق في التنفس ورحت الطواريء اصلح تخطيط وقالو الحمدلله مافيك شيء وسويت عندهم تحليل الغده وطلعت سليمة
ورجعت لي الاعراض في شهر 1ورحت تخطيط وتنويم وكان الضغط مرتفع ودقات القلب مرتفعه وصلحو تخطيط برضو قالو مافيه شيء
ورحت للممرخة قالت هذا ابهر وطقته لي وارتحت كم يوم ورجعت لي نفس الالام
وتعبت الاسبوع اللي فات كنت بنام وفجاءة حسييت بالاعراض ووداني زوجي الطواريء والله حسيت الموت من جد جاء هذي المرة اعراض اقوى من المرات اللي راحت من درجتها اتشهد
وادعي وخفت على بنتي اني اموت ومحد ينتبه لها
وكنت من كثر الضيقة اطلع راسي من القزاز ابغى اشم هواء
كويس ماصار لنا حادث من كثر الخوف
ودخلت الطواريء وصلحو لي تخطيط القلب مافيه شيء
والضغط كويس والدقات سريعه
ورحت في نفس الوقت مستشفى ثاني وطلع مافيه شيء
وقالو امكن من القالون لان تخطيط القلب كويس مافيه شيء
علما انا مستمرة على الكنكور وكل يوم الليل يبدا معاي الم القلب واليد اليسرى زي النغزات تجي في قلبي +حرارة في القلب وكان احد ضاغط على قلبي 💔
صرت اكره الليل انه يجي والله جاني ارررق وقل نوووم لو انام ساعه تكفيني لليوم الثاني
واي شيء يصحيني ويطير النوم

تكفوووون اللي يعرف يفهم حالتي يقول هذي اعراض ايش
والله يشفيني ويشفي جميع مرضى المسلمين
هل اللي اعاني منه مرض نفسي او عضوي ؟

معليش كلامي ملخبط ☺

المصدر: نفساني