المشاركة الأصلية كتبت بواسطة عبدالله سلمان

السلام عليكم

أولا يا أخي ما يصير تؤنب الأخت بالشكل هذا ... الأخت كتبت مشاكل زوجها ومن ضمنها البرود الجنسي .. وأتوقع ما فيه خدش بالحياء هنا وكلامها استعراض لمشكلة كاملة زوجها كذب عليها وتترتب على هالمشكلة اشياء كثيرة


سؤال .. هل تقبل هالشيء على أختك ؟ أو بنتك ؟ وانك تفرض عليها الزواج بالشكل هذا ؟


قاعدين تؤنبون البنت وادعمي زوجك وتضغطون عليها وكأنها على خطأ في استفسارها عن مشاكل زوجها .. تبونها تسأل مين ؟؟


لو كانت على علم قبل الزواج كان أنا أول واحد يقول لها أنتي وافقتي وعليك دعم الرجل .. أما البنت يكذبون عليها العالم وتنحط وسط معمعه وحياة ما اختارتها ويتم الضغط عليها فهنا مشكلة كبيرة .. انت هنا قاعد تتكلم كرجل مريض نفسي ومنحاز للرجل .. في المقابل احنا نصحناها بشكل عام ولا ضغطنا عليها وطلبنا منها تستخير الله وتشوف وضعها ككل اذا هي قادرة أو مش قادرة تكمل .. من شان ما تمرض هي معاه وتعاني


هجوم شرس وتأنيب ما كان في محله أبد .. البنت يحق لها تستخير و تتقصى عن كل شيء بخصوص المرض وترسباته وتقرر إذا هي تكمل أو ما تكمل


ــــــــــــــــــــــــــــــــــ


أرجع وأقول لك يا أختي نفس ردي السابق وبشكل أوضح بعد ... إذا عندك امكانيات وصغيرة استخيري ومن حقك انك تشاورين نفسك في هالموضوع .. ولا عليك من اللي يحط انه مالك رأي في الموضوع وانك تعيشين مفروض عليك هالشيء وانحطيتي أمام الأمر الواقع


ومثل ما قلت لك لازم تراعين كل الجوانب وتستخيرين .. من الجوانب اللي تفكرين فيها عمرك وامكانياتك وكذلك تعامل زوجك معك وهل عنده مشاكل ناحيتك ونظرتك لمستوى المرض .. اذا انتي قادرة تتعايشين مع هالأشياء كملي وان شاء الله انك مأجورة وترزقين بأولاد ينفعونك .. وان شفتي انك مو قادرة ابسط حقوقك وبلغي أهلك .. وبالأول والأخير عليك بالإستخارة والله يكتب لكم الخير


واعرفي انك اذا سألتي مرضى نفسيين فأكيد الأغلبية راح يتعاطفون مع المريض مو معك ... المهم ان هذي حياتك مو حياة أحد ثاني لذلك استخيري وشوفي وضعك بهدوء


نقطة أخيرة أحب أذكرها ... فيه مرضى حتى ولو انهم يستخدمون الدواء النفسي يبقون مستقرين ومسيطرين على حياتهم وعملهم .. والبعض غير مسيطرين على حياتهم ولا على عملهم .. انتي متعايشة مع الشخص عكسي وعكس الجميع هنا ويبقى لك القرار والحياة حياتك

....