نفساني - عرض مشاركة واحدة

27-04-2017, 05:47 AM

اقتباس:

انا ماعندي صحبات مقربات .. الحين كل علاقاتي سطحية واتمنى لو القى صديقة والله تفهمني وافهمها .. واحكي لها كل شي ..

حتى انا يشهد الله

و لكني خلاص قنعت من كل البشر و اكتفيت بنفسي و بالابرياء ربي يحفظهم

ما عدت اقدر اتحمل اللي ينشرون حولك الطاقة السلبية بتفاهتهم و فوقها غيرتهم

ما تلاحظين صاروا من تالي يسمون الحسد غيرة ؟

تجي تقلك بصريح العبارة انا غرت منك او اغار منك بنفس اللفظ هذا يخرب بيتهم

صاروا يسمون المحرمات بغير اسماءها

بالله وش لي بمرافقة الحسودين اللي فوق حسدهم يجاهرون بوه

يوم سئل احد العلماء عن الحسد وش قال :

قال : لا يخلو جسد من حسد ، و لكن الكريم يخفيه و اللئيم يبديه

بمعنى ان الكل ما يتمنون احد افضل منهم و لكن اللئام هم اللي يجاهرون بحسدهم زي سالفة تراني اغار منك

تدرين سبق سمعت فتوى يقلك لو انك تتضررين من عيون اقاربك بحيث كل ما قابلتيهم جرى لك لا قدر مكروه يجوز بذي

الحالة تقطعين الرحم لان فيه دفع ضرر

و الحين الخلايق انجنت من كثر ما بعدوا عن ربهم نسأل الله السلامة قست قلوبهم و ما عاد يتمنون الخير لبعضهم ،

انواع المراقبة و النق اعوذ بالله منهم

و المشكلة ان العين اللي يكفينا و يكفي المسلمين شرها مثل سهم كيبويد فورية ان ما قتلت شوهت و عطلت و حطمت و فرقت و أمرضت

على الاقل اللي يبي يسحر لاحد يبي يروح لساحر و يتعنى و يدفع و ياخذ وقت ، لكن الحاسد ما عنده وقت يطرح يعني يطرح

كلن تارك لقمته و يطالع في لقمة غيرة لين انتشرت السرطانات و الاوجاع اللي ماهي معروفة اسبابها

ما عاد يمهلون احد يتهنى بحياته ، اصلا ما يغمض لهم جفن لو دروا انك سعيد

في العمرة ذي تحيسبت على كل حاسد و مؤذي ، خلاص قلبي ما عاد يتحمل الم

سائل الراحة معجب بهذا