نفساني - عرض مشاركة واحدة

05-05-2017, 11:19 PM

السلام عليكم

جايبه لكم اليوم طريقه عيش اللحم على شكل كب كيك

بسم الله نبدأ:

اول شي العجينه:

المقادير:

كاسين دقيق كويتي - 3ملاعق حليب ناشف - فنجان قهوه سكر - ذرة ملح - فنجان شاهي زيت - بيضه وتقدري تستغني عنها
ملعقة بيكنج بودر- ملعقة خميره

الطريقه:
1
اول شي اخلطي المقادير الجافه مع بعض

2

بعدين حطي الزيت والبيض

3

وافكريها مزبوط

4
بعدين حطي المويه واعجنيها حتى تتماسك واتركيها تخمر اقل شي نص ساعه

5
نجي اللحم

خذي اللحمه المفرومه وحركيها عالنار مع بعص وكثيري البصل لما تستوي وحطي عليها ملح وفلفل اسود وكمون
6
واذا استوت قطعي عليها كراث و خففي الطحينه بشوية مويه وخل وليمون وصبيها عاللحمه
طبعا مقدار الحموضه راجع لك بس كل ماكثرتي الليمون كان احسن وممكن تستغني عن المويه وتخففيها بالليمون بس وبتكون مرة حامضه

7
افردي العجين وقطيعها بنفس الدوائر وادهني القوالب بالزيت وحطي عليها العجين
واحشيها بس لازم تكون سميكه وتغطي حتى الجوانب ( انامافردتها كورتها بيدي اسرع لي ولاني تكاسلت اتفنن فيها ههههههههه)
8
وادهنيها بالبيض ورشي سمسم وقطعي شراىح طماطم وممكن تحطي شرائح فلفل حار
دخليها الفرن من تحت حتى تحمر ومن فوق حتى تحمر

اتركم مع الصور

اعذروني على القصور وان شاء الله تطبقوها وتعجبكم

الوردي ,مستكفّة معجبون بهذا

المصدر: نفساني