الوردة البنفسجية

بيانات اضافيه [ + ]

رقم العضوية : 46011  تاريخ التسجيل :  01 2014  أخر زيارة : 19-08-2023 (05:02 PM)  المشاركات : 355 [ + ]  التقييم :  10

لوني المفضل : Cadetblue

ابي مساعدتكم ورايكم

السلام عليكم بدخل بالموضوع على طول
من بدت الاجازه وبدا رمضان وانا نوبات الهلع تجيني اغلب اليوم يمكن ساعه او ساعتين بس تروح وترجع
نفسيتي تعبت طول اليوم خايفه ومتوتره والوسواس عندي زااايد والقلق والخوف
واليوم كنت طالعه السوق يجيني وسواس ان لازم اخاف ليش ماخفت خصوصا اني كنت لحالي
وانا امشي احس اني بطيح وخفت ابي اتمسك والمكان الي كنت امشي فيه واسع وامشي بالنص وخفت اطيح على وجهي جاني قلق
بشكل كبييير انا اعرف هذي مو دوخه حقيقيه بس تعبت من الاوهام والوسواس
نجي للكلام المهم الحين انا صارلي 10 ايام تقريبا فيني زكام وكحه وبلغم الله يعزكم
واليوم كنت اشوف مسلسل مع اختي وقالتلي شي على اللي شفناه ان الي فيهم مرض
السرطان بعد كل كلمه ياخذون نفس العميق والله لو تشوفون كيف خفت ولين الحين افكر لاني
اخذ نفس عميق لما اتوتر عشان اصير زينه ولما اتوتر يجيني ضيق تنفس ويدي تعرق واحس بدوخه
الحين انا بصيح مااعرف ايش اسوي مع العلم انا ما اخذ ادويه
الخوف عندي زايد بشكل كبيييرر والله لو اقول لكم على ايش اخاف تضحكون علي وتقولون مو صاحيه
طول اليوم متوتره وخايفه بدون سبب او اسباب سخيفه والوساوس ماتوقف من مخي
والله اني دايما اكلم نفسي واقول لنفسي انتي ضعيفه انتي جبانه عشان احس على نفسي واترك هالوساوس بس
مافي فايده واللله لان بكل مره اتجاهل فيها احس احد يقولي انتي تجاهلتي لان هالمره هي الصدق والي قبل وسواس
فاخاف واصير اهتم وافكر تعبت واللله وخصوصا من بعد كلام اختي اليوم مو ناقصه والله ساعدوني تكفون
ابي حلول سلوكيه او اشياء طبيعيه مابي ادويه ما اخذ ادويه

المصدر: نفساني