المشاركة الأصلية كتبت بواسطة رياحين

تصدقون نوبات الهلع والوسواس غيرت فيني أشياء كثيره
و أهم نقطة تحول فحياتي شخصيتي
1 صارت قوية احسني صرت انسانه تانية

2 قبل كنت حساسه حيل من كلمه وحده حتى لو كانت عاديه أبكي على طول
الحين لو ايش صار معي ماتنزل دمعتي على طول
صرت أعتبرها كنز جوهرة وخاف عليها وياويله الي ينزلها

3 قبل كنت عصبية بشكل مو طبيعي على اتف الأسباب اعصب وحرق دمي لدرجة عادي عندي أقوم وكسر الدنيا وصافق البيبان
المهم أفرغ عصبيتي الحين صرت مثل الثلج لو تنلقب الدنيا على راسي ما أعصب الا اذا كان فعلا الموضوع يحتاج

4 قبل اذا احد غلط علي سواء بمزح ثقيل او كيف يكون الأسلوب أسكت مو اني ما اعرف ارد لا كنت اطنش او أحيان احترم اعمار بعض الأشخاص
الحين الكل صار سواسيه يجيهم الرد الي يسكتهم ويعلمهم قدرهم

5 قبل كنت احب اسولف مع أي شخص عن حياتي ولا افضفض ولاكن للأسف ظروفي الفتره الي راحت أجرتني
اتقرب من اشخاص وفضفض لهم عن حالتي النفسية كنت أحتاج يد تنمد لي وتساعدني اطلعني من الدوامه الي اني عايشه فيها ولاكن للأسف أقرب الأشخاص لي مافدوني ولا قدرو الضروف الي امر فيها
وندمت أشد الندم ع التقرب منهم والان لو ايش ما صار معي , عندي اروح اجلس عند المرايه اناظر نفسي وسولف مع روحي وفضفض ولا اني اروح الى شخص ما يقدر

أمي الله يحفظها كانت دايم تقول لي

( لا تسوي بنفسك هالي قاعده تسويه البني ادم اذا جاه يومه ما بيفيده فزعه ولا خوفه و لا تكثري روحاتك الى المستشفيات )

كنت أعتبر كلامها حييل قاسي علي كنت أقول ليه أمي ماتحس فيني انا بموت وهي جالسه تزيد علي
لاكن الحين اذا افكر بكلامها اصير قويه لانا فعلا خوفي مارح يفيدني اذا ربي كاتب لي شي راح يصير

طبعا في الاهم من هذا كله هو
تقربي من الله سبحانة وتعالى
صرت ملتزمه بصلاتي أكثر قبل عادي اسمع الاذان وصلي بعد نص ساعة وساعة الحين بقوم على طول
مع اني من ابدا الصلاه تجيني بعض الاعراض المتعبة مع ذالك الحمدلله محافظه عليها
ماعدا صلاة الصبح للأسف اصحى من النوم وسمع صوت الاذان ورجع انام لاني بخاف اطلع برا الغرفة لوحدي

هذي الأشياء الاجابيه اما السلبية

هي نقطة وهذه للأسف مدري متى بتخطاها
الخوف من أشياء كثيره
الجلوس لوحدي , المرتفعات , الحشرات - الحيوانات , الجن , الظلام , ركوب الطائره , وحاليا بسسب الوسواس الخوف من المرض والموت

أسال نفسي معقول راح اتشافه ورجع مثل قبل وانا بعاني من الخوف من أشياء كثيره ؟

حبيت أكتب التغير الي صار معي منها نغير شوي من جو الاسئله عن الاعراض والامراض
أنتم بعد أخواني و أخواتي
شاركوني وكل واحد فيكم يكتب التحول الي صار معاه سواء سلبي او اجابي خلونا نفيد بعض يمكن
لمن نقرا شلون تغير فيكم شي احنا نتقوى مثلكم