المشاركة الأصلية كتبت بواسطة عيون متفائلة

السلام عليكم
اسعد الله مساءاتكم جميعا و اللي سأل عن الوالدة و دعا لها ربي يعافيه و يسعده

مزاجي راجع ما عليك الخلايق كلها تعبانة و تاخذ ادوية نفسية ، اذكر مرة صادفت دكتور نفسي بأحد المراجعات يقول انه ياخذ ادوية نفسية ، اظن من بينها السيبرام

ضغوط الحياة انهكت الكل ربي يلطف بعباده

بالنسبة للبرنتلكس ودي اخذه بس مترددة اخاف ينومني فترات طويلة و يكسلني و انا وراي مسؤوليات لليل

مسؤولية الوالدة الله يحفظها و اخواني

و ما في شغالة

لو نمت ساعتين تعطلت حياتنا

الوالدة خلاص ما عاد تقدر تتحكم بالمشي انا اوديها و اجيبها من دورة المياه و اباشر اكلها و حمامها

صارت الوالدة كأنها طفل ما أقدر اغفل عنها لحظة

لو اقلك ساعتين على بعضها بالليل ما اقدر انامها ، لأن فوق الارق الناتج عن القلق ، كل شوي يصحوني يبون شي بالذات الوالدة ربي يحفظها و يعافيها

انا خلاص باقي شعرة و انجن ارهاق نفسي و جسدي فوق الاحتمال

بالله دعواتكم ، ما قط احتجت الدعاء زي ذي الفترة

و ربي يعافي الجميع و يفرج عليهم