السلام عليكم ورحمة الله وبركاته
اسعد الله مسائك اخوي ماندوزا ... هذي اول مشاركه لي فالمنتدى وصراحه مدري من وين ابدا لكن بختصر لك انا تقريبا كان معاي قبل 4 سنوات اكتئاب خفيف وانا والله العالم وقتها كنت حساس ومبالغ في الشعور زرت طيب واخذت باروكسات ودجماتيل وخلصت العلاج الحمدلله بعدها بسنتين تقريبا كانت تجيني كتمه تصحيني ن عز نومي اقوم وانا مختنق وبرضه ذيك الفتره رجعت لي الحساسيه الزايده واعصب واتنفرز خصوصا في السواقه ورحت لدكتور باطنه وقالي كوليسترول مرتفع قليلا وعطاني علاج وبنفس الوقت حس في مشكلتي النفسيه واخذ يسألني اسئله وقالي انت معك اكتئاب وراح اصرف لك سبراليكس وفعلا استخدمت السبراليكس وارتحت فيه الحمدلله وجلست عليه فتره وقطعته فجأه والحمدلله لم يحصل اعراض انسحابيه وبعدها بسنتين وتقريبا بداية هذا العام جتني اول نوبة هلع فظيعه لاانساها وكانت نوبه شديده جدا ورحت وقتها كشفت والحمدلله سليم ومن بعد هالنوبه واللي جتني في الليل بساعات جتني الصباح نزله معويه شديده اخذت معاي اسبوع كامل (ووالله اعلم كانت نوبة الهلع مقرونه بالنزله لأنها جت قبلها) بساعات والدليل ماخفت النوبه الا لمن دخلت دورة المياه اعزكم الله ... بعدها بكم شهر زادت معاي كتمة النووم اقوم مختنق (اتوقع انه هلع اثناء النوم ويجيني بداية النوم) ومن بعدها جاني قلق من هالموضوع وبعدها صارت تجيني نوبات هلع متقطعه مصحوووبه بشعور غير مريح في الصدر واحس جسمي فتران وماني قادر اشيله سويت تحاليل واللهم لك والشكر كل شي تمام ماعدا نقص حاد فيتامين د بعدها صار يجيني شي غريب واتوقع انها نوبات هلع غير مكتمله والشعور يكون عدم راحه في منطقة الصدر والم غير حاد ايسر الثدي الايسر لكنه مقلق ومزعج ويزداد اذا لمسته واحيانا ينتقل الى ظهري رجعت لدكتور الباطنه وقالي هذا قلق وصرف دوجماتيل حبتين في اليوم والحمدلله صرت احسن وقلت له ممكن سيبراليكس وقالي لا لا دوجماتيل كافي والان بادي اتركه الدوجماتيل واحسن بشعور عدم الراحه رجع لي شي ماقدر اوصفه احس بضعف وماني شايل جسمي وكأنني مقدر اسيطر على نفسي ... على فكره انا ذكرت اللي مريت فيه بأختصار وممكن في حاجات كثير غابت عن بالي لكن اتمنى كل واحد يدلي بدلوه .. ماندوزا .. زمالك .. ابو تركي جده وغيرهم من الاخوه .. واخيرا في سؤال مهم هل هناك نوبات هلع غير مكتمله بمعنى ان الانسان يكون مسيطر على نفسه بس انه يحس في اعراض مزعجه ولا هذا قلق فقط ... علما انني كنت اخذ علاج حموضة المعده