زملكاوي

بيانات اضافيه [ + ]

رقم العضوية : 54351  تاريخ التسجيل :  08 2016  أخر زيارة : 14-10-2024 (10:21 PM)  المشاركات : 54 [ + ]  التقييم :  10

لوني المفضل : Cadetblue

هل جرعات ادويتي مرتفعة؟

السلام عليكم.. انا بعاني من مشكلتين اعراض قلق حاد جدا من خوف وتوتر شديد بيوقف العقل عن التفكير بجانب اعراض زيادة دقات القلب ورعشة الايدين والعرق البارد .. وثنائي القطب مع نوبات اكتئاب حادة جدا.. باتعالج من فترة 10 سنين اول 5 سني كان التشخيص قلق بس وكنت بتعالج بمضادات اكتئاب بجرعات صغيرة بمعدل حباية دايمامابتزيدش عنها .. بعدكدة اتشخصت بثنائي القطب وبدءت رحلة مثبتات المزاج ومعظم الفترة دي ثابت علي لاميكتال مع حبايتين مضاد اكتئاب باختلاف انواعهم .. المشكلة اني بحس دايما بوجود موجات في دماغي حاسس ان خلايا المخ في فوران وبتزيد مع مضادات الاكتئاب واتسيطر عليها بشكل جزئي مع مثبتات المزاج . معظم الدكاترة مش فاهمين دة ايه ودكتور او اتنين قالوا لي لما الهوس بيزيد كهربة المخ بتزيد وهو دة سبب انها بتزيد مع مضادات الاكتئاب .. المهم ان مع زيادة جرعة اللاميكتال ل300 المشكلة دي اتسيطر عليها بشكل كويس يعني بنسبة 60% وكنت باخد حباية افيكسور 75 كانت مسيطرة علي حوالي 50% من اعراض القلق بس الفترة اللي فاتت من بداية رمضان حصلت نوبة اكتئاب قوية جدا مع زيادة اعراض القلق بشكل فظيع فمن حوالي 3اسابيع زودت جرعة افيكسور ل150 دلوقتي ادويتي 300 لاميكتال 150 افيكسور 200 سيركويل اكس ار و20 اندرال ايه رايكم في توليفة الادوية والجرعات هل مناسبة او محتاجة تعديل .. وشكرا ليكم وربنا يشفينا جميعا

المصدر: نفساني