|
ممكن مساعدة معي دوخة وعدم توازن من شهرين 💔ممكن
مرحبا
مشكلتي بدأت من أربع أشهر
كان معي شوي دوخة أحساس بسيط ،،مثل احساس هبوط الضغط ،،، لما كنت واقفة ابي أشرح للطالبات ،،
استمر حولي اسبوعين ،، وكنت وشف الضغط كان فعلاً شوي نازل ،،،توقعت انه ضغط نازل معي ،، بسبب ضغط العمل ،،،
بعدها خف هذا الشعور ،، وبديت احس في أوجاع في الرقبة وقت تصحيح الاختبارات النهائية في شهر 8
مااعطيت الموضوع أي اهتمام قلت يمكن ارهاق العمل ...
جت الاجازة ورمضان وحمدلله كانت ايام جميلة ولله والحمد ،،،
قررت اني اعتمر في بداية العشر
ورحت لمكة في عمرة سريعة ،، عبر الطائرة اخذت عمرتي وصليت تراويح وشوي ارهقت نفسي شوي
ورجعت من العمرة صباحاً للمنطقتي عبر الطائرة
ونمت ،،
وكنت احس بارهاق شديد بعذ ماااقمت من النوم لاني كنت صايمة ،،
بعد العمرة. بثلاث ايام ،،
جاني زكام بسيط بدون حرارة واحتقان بالانف
اخذت بندول خفيف وقررت انام عليه
وللاسف نمت وكنت شوي متضايقه وشايله بخاطري من موضوع صاير
قمت الظهر بصلي ،، وكان جسمي منهد بقوة
توقعت عشان الزكام ،، وقلت يمكن هبوط ضغط
كانت عيني اليمين تتحرك بشكل افقي نحو أذني اليمين
الموقف خوفني شوي
قمت بسرعه وجاء في بالي انه هبوط ضغط
من الصيام ، والزكام ، وهبوط الضغط
اخذت شوي ،،، ورجعت نفس الحاله عيني تتحرك نحو اليمين بشكل افقي رايحة جايه وكأني بطيح
ورجعت مره ثالثه
رحت للطواري اخذت مغذي وابره مسكنه
ورجعت للبيت وانا منهدة شوي وتعبانه
بس افطرت المغرب حسيت بخمول بجسمي مرررة
عجزت اقوم كانت حركتي بدون توازن
وكاني اترنح ،،، حبيت اني استلقي شوي بعد الفطور
ونمت ربع ساعه وقمت واحس وضعي زاد
كنت متوقعه اني اقوم اصلي التراويح ،، جيت بقوم ماااقدر ابدا 💔
جاني حاله غثيان ،، وصرت مااركز باي احد حولي
جاني حاله استفراغ قوية
بعدها الدنيا صارت عندي مشوشه مررة
ماااركز اكثر ،، وزاد حركة العين اليمين نحو اذني اليمين
بشكل قوي جدا
لدرجة لما جيت بقوم ،،،،
طحت على جنبي الايمين كان الارض تجذبني نحو اليمين
وكان الارض تدور
عشان اركززززز بالي حولي
اخذوني اهلي بدون مااحس بنفسي على العربة للمستوصف ودخلت على اخصائي اذن وانف وحنجره
رجعت استفرغت قدامه
والا اقدر اركز فيه ابدا ،، من شده حركة العين عيني ،، وكاني ادور بجهه وحده
اعطاني مغذي وابرتين مسكنه ،،، وقال معك دوار دهليزي فيروسي بالاذن الداخلية
رجعت البيت ماااحس بااحد وعيني تتحرك بشكل مو طبيعي نحو اليمين وفيها تشويش
جلست لحد الصبح على هذا الحال
لما جاء الصبح خفت حركة العين ولله الحمد
بس جسمي كان خمول ، عدم توازن ،، احس براسي دوخة مااقدر اقوم
بس اغمض عيني ،، احس الدنيا تدور ومزعجه وانا مغمضه عيني
رحت للدكتور من بكرى وقال اخذي علاج ستروجوين 24ملم ( ثلاث مرات باليوم )وعلاج نيورووبيون ب12مرتين باليوم
بعد ثلاث ايام زاد علي نبات الجنكو مرتين باليوم
كنت احس خلال هذا الاسبوع بتوتر
مااقوم الا تعبانه وخمول ودوخة وعدم توازن
قررت اني اروح دكتور ثاني ،، ورحت لمستشفى ثاني مع دكتور قال لي انتي معك دوار حركي حميد
وعطاني كم تمرين للدوار
وغير ستروجوين الي علاج اسمة بيتاجن 16ملم ثلاث مرات باليوم
المهم بس اكلت العلاج وسويت التمارين وضعي زاد
رجعت الحاله لي
رجعت وانا حاطه مخدة طويله على كلام الدكتور
ويوم جيت بنام على جنبي الايسر
حسيت اذني على راسي مشدود. مرة وعجزت اقدر انام
جاني دوار نفس الي قبل عيني تتحرك نحو اذني اليمين وكاني ادور شوي ،،
المهم رحت للطواري اخذت مغذي ،، وابره مسكنه
وزينوا فحوصات لي ،،
دكتور الباطنية جاني وقال نسوي اشعة مقطعيه للراس
وطلعت سليم ،، وزينوا اشعة عادية للرقبة طلع فيها (انزلاق غضروفي في الفقرة 4+5
جاني دكتور الاعصاب وجلس يسوي اختبار بالاصبع عنده وخلاني امشي عجزت ،،
وجاني دكتور جراحه الاعصاب عشان الرقبة يسألون كم سؤال ؟
ورحت دكتور الاذن بالطواري ،، وقال الي معك دوار حركي حميد ،،
المهم طلب مني دكتور الاعصاب اشعه رنين على المخ وطلع سليم ولله الحمد
لكن مازال التعب معي ،، احس اني اطفوا على قارب من شدة الدوخة
وكل مره اطلع لدكتور الاذن حولني لدكتور العيون !
سويت فحص للاعصاب العين سليمة ولله الحمد
وسويت فحص بصريات (طلع عندي قصر نظر في كل العيون 4/6. مع انحراف بسيط بالعين
قال دكتور العيون دوختك ماهي سبب العين
رحت دكتور الاعصاب ،،
قال ضروري نسوي تحاليل
سويت تحاليل
بالحكومي / خاص / مختبر الابراج
كلهن
طلع معي نقص فيتامين دال 7
نقص في مخزون الحديد ،، 6واخذت ابر حديد ومازلت اكمل
ارتفاع في سرعه ترسب الدم
ارتفاع في كريات الدم البيضاء شوي
..اخذت هذا الاسبوع فيتامين دال 1000وحدة دولية مرتين باليوم
رحت دكتور الاعصاب
وقال لي نسوي رنين على الرقبة ضروري
سويت رنين على الرقبة
طلع الانزلاق. ضاغط شوي على الحبل الشوكي شي بسيط
قالوا احتمال هو السبب ؟؟!
معقول ؟؟!
طيب انا احس بطنين بالاذن من الشهر.
الحاله معي من شهرين بس كملت شهر بديت اسمع طنين بالاذن اليمين
احس بدوخة غريبه والله
كان جهه اذني اليمين مو مني كانها طايرة بالسماء
وخلف اذني احب اضغط عليها
ماعندي عدم توازن والله
غيرت العلاج من شهر من بيتاجن الي بياسيرك 24ملم مرتين باليوم بعد كلام استشاري. اخذي بيتاسيرك مرتين
على فكرة رحت طب شعبي وقالت لي حرمه معك هواء شوس بالراس واذن
واعطتني صبخة قالت شهر كامل حطيها
حطيتها والله 18يوم والا شفت اي تحسن
استخدمت الرقية الشرعية
وحطيت زيت علي
واحس طهري وصدري وخلف اذني كله حبوب انتشرت كانها زي حب الشباب
ماني عارفه وش فيني بالضبط
|