نفساني - عرض مشاركة واحدة - :-[ هطول الثلج على وهج النيران ]-:

07-11-2017, 02:14 AM

عقب ما كنا نسافر بالبطاقة
ونتردد رايحيين وراجعين

ناصل الذود ومداهيل الرفاقه
كل خمس ليال نطلع ليلتين

لي شمال من الحسا عشرين ناقة
عندي أغلى من حمر قلبي وعيني

يالله دخيلك بعد قطع العلاقة
لي شهر كني من العالم سجيني

صرت ما أبغي شي كون الانطلاقة
ودي أجيها ماهيب اللي تجيبني

وش جنينا من تصراف الحماقة
والعلوم الخايبة من ذا السنين

نترك الجزلة ونرجع للدقاقة
ونتياسر والعرب تمشي يمين

جارنا الوافي نبي طرحة راوقه
وهو ذرانا قبل خملتنا تبين

جعلها أمحق جيرة وأمحق صداقة
الغدر ما هوب طبع المومنين

صبر عشرين السنة مر مذاقه
والعرب ما هم بدايم صابرين

والطفاقة نكبة لأهل الطفاقة
ما بعدها إلا لعنة الوالدين

من خدع سلمان لا يأمن طراقه
راعي النخوة وإمام المسلمين

كم عدو بالحزم ضيق خناقه
صفقته تصحي قلوب الغافلين

أخوان يا شعب قطر و الظفر ما يطلع من اللحم