المشاركة الأصلية كتبت بواسطة نور الدين على

بص ياباشا

الرهاب مرض بيبدا بخجل وبعدين يبدا يتطور لرهاب وخصوصا لو مكنتش متقبل خجلك ده

ولما تحس بالعجز وانك مش لاقي حل للمشكله دي بيحصلك اكتئاب ايضا ويبدأ المريض يتحول لمسخ
مش عارف يتعامل مع الناس ومشتت وفاقد القدرة علي التركيز ويصبح ايضا بلا هدف ومع الوقت ممكن يجن !

تطور المرض بيكون نتيجة انك بتزرع افكار سلبيه في عقلك وبتتخيل كمان الافكار دي لحد ما تترسخ في عقلك
زي الشعور بالدونيه ومقارنة نفسك بالاشخاص الطبيعيين ...الخ

الحل انك تعكس طريقة تفكيرك وتتخيل نفسك دايما الشخص اللي انت حابب تكونه مش العكس
صدقني هو ده العلاج الوحيد

راقب افكارك لانها ستصبح افعال!
راقب افعالك لانها ستصبح عادات !
راقب عاداتك لانها ستحدد طباع!
راقب طباعك لانها ستحدد مصيرك!