نفساني - عرض مشاركة واحدة

21-02-2018, 09:09 AM

اقتباس:

المشاركة الأصلية كتبت بواسطة الشاكر

فعلا هاذي الافكار اللي بس افكر فيها طول الوقت

انا كنت انسانه ايجابيه و اجتماعيه حتى يوم كنت ادخل المكان الكل يقول نحس فيج مثل الطاقه الايجابيه بس الحين صرت اكره اشوف الناس و لا اضحك و لا اتكلم و لا اتعرف و لا اطلع مكان انتكست حالتي من جديد
انا عانيت هاي المرحله اول فتره زواجي من ثمان سنوات و بعد كم سنه عالجت نفسي و صنعت لنفسي تجارتي الخاصه من البيت و كان مشروع ناجح و يمشي و مستمتعه فيه لاني اصنع شي احبه

و بعدين خف الوسواس كان يروح و يرجع على خفيف و بعدين توظفت لظروفنا الماديه و انتقلنا من منطقه الى منطقه اخرى لكن عند اهلي و قريبه منهم وتوقعت بيكون افضل لنا من بدت الوظيفه و نوعيه الوظيفه ضغط و انا من النوع اللي احب كل شي يكون كامل و مرتب ومنظم مشيت اول فتره لين تعبت عندي المعده و انتكست من جديد للاسوء و بديت التنقل من طبيب لاخرو كان كلامهم اغلبه قولون عصبي و العصب الحائر بسبب النفسيه و الضغط و كذا شهر و بعدين رجعت وقفت من جديد على رجولي و خف الوسواس و خلال شهر نوفمبر امي طلع فيها ورم في الراس بعيد عنكم ان شاءالله و سافرت معاها للعلاج و خلال شهر انا اشوفها تعبانه و كت احس نفسي مضغوطه جدا و انا اشوفها و بعد شهر الحمدلله بدت تتحسن بس بالضبط بعد مرور شهر و شهر ديسمبر تعبت عندي المعده من اول و جديد و انتكست حالتي للأسوء و انا فالخارج رحت المستشفيات و افحص وخذت مضادات للمعده و لكن مازال التعب و الالم و لليوم و الحمدلله و الشكر اعاني من بطني و الوسواس صار اسوء اسوء من قبل معاي لدرجه انه بدت اتيني نوبات الهلع و تترد علي

و البارحه الدكتور عطاني مضاد بعد مالفيت على كثير اطباء مش عارفين شو المشكله و سويت فحوصات لمده اسبوعين و الحمدلله طلع بكتيريا امعاء عطاني المضاد و خذت المضاد هم نوعين

لكن من خذته بديت احس بالاعراض اللي قريتها بالورقه و بديت اوسوس لاني نهائيا ما اخذ الدوا حتى البندول اخاف اخذه و بديت اتصل فالدكتور كل شوي اساله وزوجي قالي لاتصيرين نفس الاطفال و ماخلاني اكلمه بس فعلا بدت اتيني دوخه و صداع و عدم اتزان فاستغربت هل هذا من الدوا او الوسواس او هل الدوا ما ناسبني لان خالتي يوم شافت لدوا قالت هالدوا ماناسبني و سببلي حساسيه و انا ربطت هالشي فيني و للاسف صابتني حالت هلع و خوف باالامس و ماقدرت اخذ المضاد الجرعه الثانيه من الخوف

اعتذر عن الاطاله لكن حبيت اشرح حالتي

و اخوي الشاكر يزاك الله خير كلامك قريته من اول صفحه لين السبعين صفحه و احس اني اتشجع و احاول اطبق اكثر اللي تكتبه لكن مرات الواحد يكون الشي خارجه ارادته يعني المعده هي اللي كانت تسببلي انتكاساتي في كل مره

لكن الواحد لازم يضغط على نفسه قدر الامكان