المشاركة الأصلية كتبت بواسطة عيون متفائلة

السلام عليكم

هلا بكم أخواني أخواتي الكرام و الكريمات

سلامتكم جميعا من كل بأس و يارب تلقون في حياتكم كل خير

ربي يوفقك أخوي بدر و يجعل الخير مفروش قدامك و تحقق اما لك

رائعة أبيات الإمام الشافعي اخوي داني و هذي أعتبرها شمعة تنور طريقي

سلامتك أختي الغالية قطرات من الدوخة و من كل بأس

سلامتك اخوي محمد البطل المكافح و أزمة تعدي مثل ما عدت غيرها يا كريم

ربي يجعل ما شفته اخوي أبو نجلا طهور و رفعة في درجاتك و ربي يزيل الامك و تنعم بالصحة و العافية

بالنسبة للضعيفة أبو نجلاء تراها صماء لا تسمع لأن عويناتها كل وحدة لون ، هذا النوع يجي كذا لأن كل عين لون سبق تبنيت وحدة نفسها لأنها بيضاء سميتها فلة و اخوها سميته مشمش لأن لونه مشمشي ، انقذتهم رضع مرميين بالشارع مع انهم نفس فصيلة اللي عندك
تصدق ما كنت اعرف ذي المعلومة اللي تخص الصمم ، كنت يوم اناديهم الكل يجري باتجاهي ما عدا فلة و دايم مطيرة عويناتها متفاجئة خايفة بعدين قرأت المعلومة و عرفت لأن عويناتها كل وحدة لون ، وحدة عسلية و وحدة خضراء

و هذي الشارع خطر على حياتها لأنها ما راح تسمع أصوات السيارات و تنتبه لها لذلك فيه حساب انقاذ بالشرقية يرعاه أخ فاضل شرواكم اسمه محمد الفرج يعرض في حسابه اللي بالإنستجرام القطط المتخلى عنها و المريضة للتبني بس ترسل له صورتها و مكانها و رقمك للتواصل و يارب يسخر لها أطيب خلقه و اوفاهم

أما بالنسبة للضعوف الرضع اللي تبنيتهم مؤخرا واحد منهم مكسور ذيله و ساقط على الارض يسحبه و مايل على جنب ميلان كامل و وحدة من رجليه يسحبها سحب شكله طفل داعسه بالغلط في الشارع ، لأن لو كان اللي داعسه بالغ كان زمان انفرم حبيبي بعيد الشر عنه

على طول يبكون ، تحسهم عشان فاقدين أمهم ، صدق من قال : اللي من غير أم حاله يغم

مشكلتهم و لا نوع حليب عاجبهم مع أنه مخصص للقطط ، ما غير اقطره تقطير في حلوقهم غصب عنهم ، حتى و أنا اقطر لهم يصارخون و يبعدون افواههم ، مساكين جوعانين و لا يعرفون وش يسوون.

أدعي ربي متى يكملون شهر حتى اعطيهم فتافيت الدجاج المسلوق و ارتاح من الرضاعة و همها و هم يرتاحون


وين اخونا محمد الأمين شاطىء الراحة عسى ربي يطمنا عليه

المشاركة الأصلية كتبت بواسطة عيون متفائلة

بالنسبة لحساب الانستجرام المتخصص في تبني قطط الشرقية اخوي أبو نجلاء :

all_pmp