نفساني - عرض مشاركة واحدة

11-05-2018, 12:06 AM

الحمدلله يامحمد الخير واجد وابوي جعله باعلى جنات النعيم راح وترك لي ما يأمن حياتي والحمدلله بخير ونعمه وعندي سواق يقضي اغراضي وعندي خواتي بالرياض الله لايحرمني منهم كل وحده منهم تبي اشاره مني وعيالهم الله لايخليني منهم ودهم اعيش بالرياض قريبه منهم بس ماحب الرياض وزحمتها ومجتمعها احب الشرقيه هاديه رايقه لا مظاهر ولا وجع راس ولا تطفل على حياة الاخرين .
الزواج مالي به راضيه بحياتي ولله الحمد ومتعتي مع صديقاتي كلهم بعمري وعوانس مثلي 🤣🤣🤣 ماغير نطبخ وناكل ونتسدح على الافلام وعشقنا البقالات ماغير بالبقالات نتقضى حلاو وكيك وكل ماشفنا طبخه بالتلفزيون طبقناها .
الحياه كانت جميله جدا لكن جاني هالهلع والقلق لخبطني وان شاء الله اني برجع مثل اول واحسن والحمدلله .
كل يوم يامحمد اناظر في علبة البرنتلكس واراود نفسي لكني اجبن من اني ابلع الحبه اقول وان جتني دوخه قويه وان جاني ضعف وتعب وان وان .. انصح الناس وانا ترللي .
بالفعل محمد انظر للحظه ولاتتحسف على شي دام برقبتك لايوجد دم ولا اكلت مال يتيم ولا عقوق لوالديك ولا قطعت رزق احد ولا اشركت بالله عش سعيد ولاتبالي .
هذي قناعتي الراسخه ان الله بيعاملنا برحمته وليس باعمالنا ابدا ابدا وهو ارحم الرحمين