نفساني - عرض مشاركة واحدة - هل تنصحون أبلغ أهلي أني مريض وأني أتناول أدوية؟

15-05-2018, 11:51 AM

قرأت ان حالك تبدل و تركت عملك و بالتالي اكيد اهلك مستغربين اكيد في تقصير و مفسرين اللي انت فيه تفسير خاطئ و قلوبهم غضبانه عليك و معاتبه
اذا اهلك و والديك بيستروا عليك خبرهم بترتاح نفسيا لما تحكيهم خاصه انك معهم دوم في البيت و حتى يقدروا وضعك و يتفهموا التغيرات اللي حصلت معاك المصارحه حلوه خاصه للوالدين هم اكثر بشر يبغوا لك الخير حكايه انك تشيلهم همك فوالديك بالذات شايلين همك بدون تخبرهم عن شي و بالعكس تلقاهم باكين على حالك اللي ماله تفسير لكن انت بمصارحتهم تطلب العون من الله ثم منهم انا متأكده لما يدورا و حتحس انهم بيقلقوا عليك حتشد حياك و حتحاول انك تتحسن بأمر الله عشان لاحد يقلق و تطمن الجميع .
الاهل سند و ظهر و ستر و رحمه من الله كمان شعور انك تعاني و ماحد حاس فيك و بيترجموا تصرفاتك بشكل خطأ ما تزوج للان ساب شغله نايم اغلب الوقت ماخرج المسجد ما يوجب مع الخلق ما يروح معنا عزايم ما يختلط بالناس و ترجمات كثيره هذا بحد ذاته ضغط نفسي و فيه شعور بالظلم و الوحده .
الوالدين من طبعهم القلق على الاولاد والله حتى لو كنت كامل مكمل و في قصر مشيد و في تمام الصحه بيشيلوا همك
و صدقني اكيد حاسين فيك شي و فاهمين انك ما تبغى تتكلم او انك انت كمان مانت عارف ايش فيك مستحيل عشر سنوات ما لاحظوا عليك شي .
استخير الله و اطلبه في سجودك الخيره الطيبه و خذ والديك خبرهم و فهمهم انك خبيت عنهم حبا لهم و خوف عليهم و كذلك لانك ما تبغى الموضوع ينتشر و يخرج برا البيت تكلم و صارح هذول اهلك مهما كانت ردة فعلهم وفي نفس الوقت قول لهم هذا امر الله وانت انسان مؤمن بأن الشفاء من عنده سبحانه و انك بتتعالج و ترجع افضل من اول ان شاء الله .
انت باختصار محتاج لهم و هذا إحساسي و رأيي
الله يرد عليك عافيتك و يسهل امرك و يسخر لك في قلوب اهلك و يفرج همكم يارب .