نفساني - عرض مشاركة واحدة

18-08-2018, 11:37 AM

هلا وغلا ظل امرأه صباحك يوم جديد مشرق تتحقق فيه كل الاماني الجميله ان شاء الله .
لوليتا حبيبتي كيفك طمنيني عنك .
اللي فهمته انك ما ارتحتي للدكتوره حقتك واللي فهمته كمان ان شكواك هي الهرمونات وانبسطت لاني احب اطمنك ان الهرمونات من اسهل الاشياء اللي بسرعه تتضبط وتتعالج اصعبها فقط البرولاكتين وهذا ياخذ اخيانا شهور صحيح مزعج لكن مافيه اي خطوره انتي بس غيري الدكتوره ولا تخافي ولا تنزعجي ملاحظه في حروفك حزن عميييييق ابي اقولك شي حبيبتي بحكم اني الاكبر سنا بينكم ابدا ابدا ابدا مافيه الم يستمر والانسان عباره عن فكره ثم مشاعر ثم سلوك غيري الفكره تتغير المشاعر وتتغير السلوك ادري صعب لان افكار الانسان احيانا تحكمه الظروف وانا لا اعلم ظروفك لكن اعرف ان الله سبحانه يعطي الفرح بعد الضيق واذا اقلقك السهر والتفكير فكري في بكره وانتي تنتظري الفرح انظري دائما للفرج وحطي في بالك ان الضيق عباره عن طريق قصير راح ينتهي وتوصلي بعدها للفرج .
يمكن كلامي انشائي وتصبيره لكن صدقيني من خبرتي بهالحياه عرفت اني مكان ما اوجه افكاري تتكون احداث حياتي .
ادري احيانا الظروف اصعب من اني اتحكم فيها لكن دائما تفكيري لما تصعب علي الحياه وتقسى افكر برب العزة والجلال اللي بيده الخير والرحمه وسبحانه جل وعلا تنفرج من حيث لا احتسب .
انا اصعب ازمه مرت علي بحياتي هي هذي السنه لما دخلت في معمة الهلع والاكتئاب والهلع حسيت الدنيا انتهت واسودت بعيني لكن كان عندي يقين ان هالحفره اللي انا فيها لها مخرج كيف ؟ ما ادري لكني راح اطلع من اللي انا فيه ودعيت ربي وتوكلت عليه واستخرت وابتديت العلاج ولله الحمد والمنه والفضل ابتديت ارجع لأنا القديمه وابتديت اشوف الحياه بالوانها الطبيعيه وايقنت ان شعوري ماكان خطأ وان حسن ظني بربي مو وهم ولا تصبيره ابدا .. كان حقيقه
انا متأكده ان بعد كل ليل صبح وبعد كل ضيق فرج وبعد كل تعب راحه وبعد كل عسر يسر .
يارب يحقق لك راحة البال ويشفيك ويسعد قلبك

ظل امرأة معجب بهذا