نفساني - عرض مشاركة واحدة

21-08-2018, 02:25 AM

هلا لوليتا ارحبي حبيبتي

ابو نجلا سلامتك ربي يطول عمرك في صحة و طاعة و تحقيق أمنيات

انا سميته غالي من يوم أمه انجبته ، امه اسمها غلا عشان كذا سميته غالي

سبحان الله الضعيف مقرود من يوم جابته أمه

أولا امه اكبر منه بثمان شهور ، عمره سنة و امه سنة و ثمان شهور سبحان الله

يوم اكمل غالي شهر من عمره كان ما زال يرضع و امه تمرض مرض فيروسي معدي في الامعاء و اضطر افطمه ضعيف و اعزله عنها

بداية اكتشاف مرضها كانت ممتنعة عن الاكل و منسدحة على جنبها مستقبلة الحائط و ولدها غالي وراها يحاول يرضع منها و هي تبعده عنها مرتفعة حرارتها و الإسهال المدمم و الكرامة للجميع ذبحها ماهي قادرة حتى تفتح عويناتها .
و هناك بالعيادة اكتشفوا إصابتها الفيروسية

عزلت امه حول شهر اعالجها في غرفة مقفلة عليها كان حبيبي ينسدح على عتبة الباب برا مشتاق لها مو قادر ينساها مدة اسبوعين

و سبحان الله اليوم اللي طابت فيه ماشاء الله بعد شهر و اخرجتها من الغرفة راحت تجري على ولدها تبي ترضعه و هو رافض مستنكر ، و تظل تجري وراه و تشده جهتها تحاول ترضعه مشتاقة ضعيفة و هو مستغرب يركض بعيد عنها

و سبحان الله بعد فترة صار ملازمها زي ظلها لكن بدون رضاعة ، اي مكان تكون فيه يكون جنبها

الحين مدري وش بتسوي ضعيفة و المسألة مسألة أيام

انا عزلته في مكان ثاني عشان ما ينزعج من القطط ، و هي كل ما شافتني تركض ورايا و تناظرني زي اللي تسألني عنه

و هذا اللي قطع قلبي ، فعلا امم امثالكم