نفساني - عرض مشاركة واحدة

31-08-2018, 07:41 PM

عيون كنت اعتبر نفسي اكبر خوافه بالدنيا اخاف حتى من الافلام المرعبه وهي تمثيل الى ان كتب الله علي مرافقة ابوي العنايه المركزه مدة سبعة اشهر شفت حالات كثيره انعاش وموت ولكن سبحان الله تفكيري كان فقط في ابوي اقول يارب لاتوريني هالموقف بأبوي وجاؤ الموقف المؤلم الحقيقي لما كانت مريضه مسلمه تحتضر لأنا كنا في امريكا والعنايه المركزه كان فيها امرأتين مسلمات وحده سعوديه والثانيه كويتيه لا انسى هذا اليوم كانت الساعه ٣ الفجر ولا يوجد اي زائر من اهالي المرضى وكانت الكويتيه تحتضر وانا احسبها نايمه وجتني الممرضه تقولي تعالي اقري على المريضه لانها خلاص قاربت على النهايه انا فزعت وقلت للممرضه لا اخاف قالت لايوجد احد من اهلها وانتو المسلمين تقرأون القران على اللي يحتضر وتتلون الشهاده ورفضت وراحت الممرضه في ثواني عقلي قعد يقولي روحي لها وشهديها مالها احد الان الا انتي وبسرعه رحت للمريضه ومسكت يدها وشهدتها وتشهدت الحمدلله وطلعت من عندها ودخلت الممرضه بعدي عليها ثواني وطلعت نادت دكتور العنايه وقالت لي خلاص ماتت . صدقيني يا عيون لو اقولك كل مشاعري توقفت في هذيك اللحظه ماعندي اي شعور غير السكوت ومن بعد هالموقف معد يهزني الموت ولا مناظر الطوارئ .
عدت السنين واصبت باضطراب الهلع ومع العلاج السلوكي قالي الدكتور كل اللي شفتيه بهذيك السنه تخزن بعقلك واثر عليك من غير ماتشعري واثر على سلوكك .
هنا تأكدت ان الانسان عباره عن فكره تليها مشاعر تليها سلوك وكلها ترتبط في بعضها سواء بالشين او الزين ولله الحمد على كل حال