نفساني - عرض مشاركة واحدة

16-09-2018, 11:16 PM

حبٍ يشيب صاحب مابعد شاب
وحبٍ يشيب صاحبه في شبابه

وحب يغيب وصاحبه مابعد غاب
وحبٍ يدوم وصاحبه في غيابه

وحبٍ بذوب خافقٍ مابعد ذاب
وحبٍ يداوي صاحبه من عذابه

وحبٍ يتوب خافق مابعد تاب
وحبٍ يزيدك رغبه في الكتابه

وحبٍ حياته كلها لوم وعتاب
وحبٍ حقيقي مايضرك عتابه

وحبٍ بلا معنى وحبٍ بلا اسباب
يبدا غريب وينتهي في غرابه

وحبٍ ضعيف مثل حبرٍ على كتاب
تمحيه دمعه في ثواني كآبه

حبٍ قوي مثل قصرٍ له ابواب
لو هب عاتي الريح مااهتز بابه

وحبٍ بدايه رحلته نطرة اعجاب
واخر مطافه مثل يومٍ بدابه

وحبٍ يعيش بداخل قلوب الاحباب
وحبٍ يشيع وكل حيٍ درابه

وحبٍ مقامه في ضلوع الصدر طاب
وحبٍ يعدي مثل مثل مر السحابه

وحبٍ على قبره نعق بوم وغراب
وحبٍ تغنى به لحون الربابه

وحبٍ بمقدارٍ وحبٍ بلا حساب
وحبٍ بمعروف وحبٍ نهابه

وحبٍ يعيش اهله وسط داره اغراب
ويموت قهر ويندفن في ترابه

وحبٍ غدا سواليف للاجناب
وحبٍ يموت وصاحبه ماحكى به