نفساني - عرض مشاركة واحدة

03-12-2018, 01:09 PM

اقتباس:

المشاركة الأصلية كتبت بواسطة ياسر هلعاوي

السلام عليكم ورحمة الله وبركاته

اليوم راجعت الطبيب النفسي
طبعا اعراضي قبل سنتين نوبات هلع و خفت كثير بدون أدوية بفضل الله
لكن باقي ملازمني القلق من تكرارها وحدوثها خصوصا خارج البيت الحمدلله القلق مايمنعي شي اروح واجي لكن يبقى يستنزف طاقتي وراحتي وسعادتي
المهم تناقشت مع الطبيب وكانت نتيجة المقابلة ( قلق وتوتر ومخاوف بسيطة في بعض الاجتماعات )
اعطاني سيبراليكس 10 نصف حبة لمدة اسبوع وبعدها حبة
و اندرال 10 عند اللزوم
وبعد شهر قال بنشوف الوضع واحولك للإخصائي عشان السلوكي

سألت عن موضوع الوزن والرغبة الجنسية والآثار الجانبية
قال الوزن ممكن ينقص اول العلاج ثم بعدها يكون فيه قابلية للسمنة في حال انك ما اشتغلت على نفسك بالرياضة وضبط الأكل
اما الرغبة يقول عنها انها ممكن تنقص درجة بسيط بداية العلاج بس مايمنع الممارسة لكن مع الوقت بيرجع كل شي طبيعي .
اما الآثار الجانبية قال ممكن يسبب لك خربطة في المعده عشان كذا اخذه بعد الأكل وموعدي معاه بعد شهر .

عطوني رايكم في خطة العلاج هل هي كويسه ولا
وابي تجاربكم مع سيبراليكس 10 لاني متخوف من الأعراض الجانبية.

وختاما نسأل الله الشفاء والعافية لنا أجمعين

عليكم السلام ورحمة الله وبركاته

حياك الله

نفس الشي كان وضعي لما جيت الطبيب النفسي كان كثير من أعراض الهلع ماهي موجودة فقط كان معي دوخة شديدة تزيد مع استخدام الأجهزة سواء جوال بلايستيشن وغيرها ، والآن ولله الحمد خفت كثير واحاول اخفف من الأجهزة أكثر بل قطعت كل شي عدا الجوال ، اعطاني (انتابرو) وهو نفس السبرالكس فقط اختلاف الاسماء تجارياً بين شركة وشركة ، ومستمر على الدواء من 9 أيام ولما رفعت الجرعة شوي بناء على رغبة الطبيب زادت بعض الأعراض ولكن بإذن الله العافية قدامنا ، حسب ما فهمت من الطبيب ومن الأعضاء هنا أن العلاج يحتاج فترة لأجل يعطي مفعوله وتبين نتائجه ويبني بناءه الكيمائي صحيح فبداية الاستخدام راح يزيد قليلا عندك التوتر والقلق لكن لا تشيل هم هذا دليل أن العلاج شغال كويس ، بالنسبة للاندرال الي اعرفه أنه للخفقان ولزيادة سرعة نبضات القلب وما دام عند اللزوم إن شاء الله ما تحتاجه ويفيدونك بعض الخبرات الموجودين معنا .

لا تتخوف ترا الموضوع أسهل بكثير وقدامك العافية إن شاء الله خصوصا ً أنك مثل وضعي أعراض كثيرة مختفية قبل استخدام الدواء ولكن البداية مع الدواء لابد منها .

على فكرة وأنا أخوك ترا الجرعة تبعي ضعف الجرعة عندك ، أنا بديت ب 10مج وبرفعها إلى 20مج أنت 5 ثم 10 مج يعني أسهل