نفساني - عرض مشاركة واحدة

14-12-2018, 09:44 PM

فكرة ان الكل يجاملك هي بحد ذاتها مرض,
ترا محد يجاملك تطمن بالعكس الناس طبيعيين في تعاملهم معك
تحتاج علاج سلوكي ,
راقب الناس شوف كيف يتعاملوا مع بعض , يسولفوا مع بعض ويضحكوا عادي سوي زيهم
حاول تصادق شخص واحد يكون صالح واذا اجتماعي مره كويس يخرجك من العزلة
تثقف في مجال معين يصير تتكلم فيه بكل ثقة ,
شوف اهتماماتهم شاركهم فيها الناس يحبون اللي يتكلم في اهتماماتهم ( المهم ماتكون حرام ),

اللي في النادي , تكلم معهم سووا قروب مثلا عشان طريقة الغذاء تشجعوا بعض , معليك حتى لو ماكانوا متفاعلين مثلا اشجعهم أنت .
تخصصك الدراسي مجالك ,تحدث مع الاشخاص اللي في هذ المجال
يكون حديثك معهم مبدئيا في هذا المجال بعدين يتطور وتصيروا أصحاب..
من تجربة كلامي ..
كنت أحس نفسي ثقيلة على الناس ومازال هالشعور معي لكن خف لأني بفضل الله صرت أشوف القبول بينهم ..
مع العلم ان ما عندي رهاب لكن أتوقع عندي مشكلة ثانيةجالسة اكتشفها ..
فيه دعاء إلزمه
كنت أعاني من الوحدة رغم الوجود الناس حولي وكنت أحس نفسي مختلفة عنهم
الدعاء هوه
(اللهم إني أسألك رفقه صالحة )
وتحققت الدعوة
ودعاء ثاني هوه
(اللهم إني أسألك القبول في السماء والأرض)
كن دائما مبتسم , التواصل البصري طور نفسك فيه..
لا تخاف تراهم بشر ما يآكلوا وضعيفين وعندهم عيوووب قد ايش
محد أحسن من أحد
توكل على الله
والله يعافي الجميع..