المشاركة الأصلية كتبت بواسطة حجر الصوان

الله يغربله هذا شيطان ووسواس رب العالمين رحيم بعباده وارحم من الام على ولدها ، عارف بنيتج وما يستجيب أي دعوه هو الحكيم العليم اللي عنده حكمه ظني في الله ظن الخير وما في شي ان شاء الله بالعكس اتخرجي لين متى بتمين في الجامعة ! الله يخليج لا تغلطين غلطتي الخوف خلاني اتأخر واتنازل عن اشيا وايد في حياتي ، الخوف والقلق خلوني أفشل في تجربة دوامي الأول واستقلت منه وطلعت بسبب هاي السلبيه وخست سنه كاملة اكتئاب في البيت لين الله وفقني في وظيفة ثانيه ، ساعات لما أرد الشريط لورى اقول !! الوسواس والخوف منعوني من وايد اشيا حلوه ، الوسواس اللي فينا هذا لعين كل شوي يدورله شكل اعرف انه الكلام وايد سهل بس اتخيلي انا كل يوم يطلعلي بشكل كل ما ( اتحسن ) يدورله شكل.. عادي انا ربيعتي حلمانه فيني ايام الثانوية حلم يخوف وتفسيره يخوف وصحت وتعبت وماصار شي بفضل الله ، امس بعد وحدة من ربيعاتي حلمانه حلم فيني بعد سويتله طاف وحطيته ورى ظهري .. وبخصوص دعاؤج الله رحيم عليم رحمته واسعه لا تظنين فيه ظن السوء، اتخرجي ولا تأجلين أعرف صعب أعرف شي يتعب يصيح يخنق حاسه فيج بس دوسي عليه اتوكلي ع الله