|
الوظيفة والرهاب والخوف من سياقة السيارة ايضا
يا جماعة انا تخرجت من الجامعة من 6 سنوات وكنت اعاني لما يطلبون مني اقوم واسوي برنتيشن واتكلم امام الطلاب واحيانا اغيب عن يوم العرض
الحين التوظيف شلوون اتوظف انا لما تدربت جاني هلع من الرهاب وحتى بالجامعة هلع وخوف من لما غيرت تخصصي بس راح مع الوقت
انا اتعالج من الاضطراب الوجداني ثنائي القطب والدكتور يرفض يعطيني ادوية قلق لانها تدخلني بحالة هوس يعني ابتهاج مبالغ فيه وكاذب
ولكن انا ما سقت كثير ولا احب اطلع من البيت حتى مطاعم اطلب خدمة توصيل وعارف نفسي لما يتغير عليا شي ادخل بحالة نفسية من الرهاب والهلع
انا ودي اسكن قريب من عملي علشان ما اطق مشاوير واتصير لي حوادث انا في غنى عنها لاني حتى بالجامعة كنت بالسكن الجامعي قريب من كليتي ولا كان ما تخرجت
شلون شسوي فيه احد منكم توظف ؟؟ انا عمري 30 وللحين عاطل دخلت ببرامج تدريب وما كملت مرة صدمت وخلاص ما قمت اروح ومرة تلخبطت مدري ايش صار فيني مابي اطللع ولا ابي اسوق
وترا كل تدريباتي كانت منتهية بالتوظيف لكن راحت علي حتى مرة جتني وظيفة من طرف اخوي كلموني وما رحت مدري ايش فيني مع الوظايف حتى مرة رابعة كلمني مدير التوظيف قال ابيك لان عندك لغة انجليزية وما رحت
والحين فيه وظيفة مبيعات بجرير تحتاج واحد يكون واثق من نفسه ويسوق لمنتج معين صراحة صعبة اضل اكلم الناس طول يوم عملي احسها ما تصلح لي
|