الرحمة من الله

بيانات اضافيه [ + ]

رقم العضوية : 55599  تاريخ التسجيل :  02 2017  أخر زيارة : 27-03-2020 (11:26 PM)  المشاركات : 50 [ + ]  التقييم :  10

لوني المفضل : Cadetblue

هل لهذه الحالة علاج؟

السلام عليكم ورحمة الله وبركاته
اولا اسال الله العظيم رب العرش الكريم ان يشفيكم ويشفينا وجميع المسلمين يا رب

ثانيه جاية وكلي ألم وحزن وصدمة من عرفنا في الشهور الاخيرة ان اختي تعاني بما يسمى بالفصام
اختي صغيرة بداية العشرينات لكن لا ادري منذ متى بدا معاها المرض
كانت طبيعية وذكية لكن هادية وانطوائية
كنا نشوف انها خجولة وما عندها مهارات اجتماعية

المهم كانت في الفترة تكرهنا وتسبنا وتدعي علينا بدون سبب واضح لنا واتضح انها تعتقد اعتقاد جازم ان احنا اهلها نكرهها وننوي ان نضرها ونكيد لها المكائد ونتحكم في تفكيرها
اخر شي جاتنا وهي تبكي وخايفة وتقول اسمع اصوات ناس تسبني وتدعي علي
وثاني يوم تقول يقولون ان بيتلبسني جن وصارت تخاف كثير
وراحت المستشفى وصرف لها الدكتور دوا انفيجا بالتدريج والان ابرة كل شهر مع دوا سبريكسا اعتقد اسمه ..
صار لها تقريبا 5 شهور من بداية العلاج
اختي صارت شوي مثل الروبوت في حركة يدها
وردات فعلها بطيئة وابتسامتها قليلة وطبعا زاد وزنها وتوقفت الدورة الشهرية من 3 شهور
المهم الان انها تعتقد اعتقاد جازم ان جنية تكلمها وان احنا ما نساعدها في انها تتخلص من المشكلة وانها لا تحتاج الدوا

اخر شي كتب لها الدكتور دوا لتخفيض هرمون الحليب ودوا مضاد للاعراض اللي هي ثقل حركة اليد التخشب لكن رافضة تاخذ هذا الدوا.

احنا جدا تعبانيين نفسيا من اللي نشوفه ومن الحالة اللي وصلت لها

ابي حد يطمني ان هل اختي لها علاج
اختي تشعر بالخوف من اللي تسمعه تقول تهديدات وغيره

كيف نتصرف معاها لان احيانا مع النصيحة تنفعل

اللي يعرف شي يطمني ارجوكم لا تبخلون علي

والله يشافي الجميع يارب

المصدر: نفساني