نفساني - عرض مشاركة واحدة

28-02-2020, 10:53 AM

اقتباس:

المشاركة الأصلية كتبت بواسطة محمد البدراني

أجد صعوبة في النوم

كله من التفكير صرت وحيد لا أجد متنفس سوا المنتدى

أفكار في الوحدة وكيف صرت وكيف وضعي المستقبلي

يالله عساها تكفير وأجر كبير

افا يا يا ضناي جعل الوحده لعدوينك
محمد هالشعور تحسه من الاكتئاب اطلع خصص لك ساعه تمشي فيها ادخل نادي راح تتغير نفسيتك واكسر صداقات لاتقول صعب لمتى راح تظل مقيد من الاكتئاب ازرع فكرة التغيير بداخلك قول راح اتغير وتحدى نفسك كل ماتبي تطلع ولاتقدر او كل ما حسيت بشعور الوحده قول الله معي مو وحيد
انا يا محمد عايشه بوحده مع قطاوتي رغم عندي صديقات واجتماعيه بس فتره وبتغلب على الاكتئاب لان مابي اجتمع فيهم ويبين التعب انا بظل قويه واتغلب عليه
انت قوي لايغلبك الاكتئاب والعين والحسد كثير فيهم لكن تعايشو معه صدقني اصعب شي على الشخص انه يتمنى لكن يكون مقيد انا عارفه بسمع اخبار حلوه انك تشافيت ان شاء الله بس زي ماقلت لك ادخل نادي او خصص لك ساعه تمشي فيها وتغير جو دق على اقرب شخص لك واطلع معه تأمل الناس وقول بنفسك كلنا عايشين بنفس الزمن ونفس تغيرات الحياة لكن هم مااستسلمو ولا اعتزلو مشو حياتهم ومشت وانت مشي حياتك حتى لو احساس بداخلك انها موقفه اتمنى يا محمد تفكر بكلامي ادري بتحس التنفيذ صعب بس صدقني الأكتئاب اول خطوه للعلاج فيه الاراده والاصرار على الشفاء وتغيير الافكار من داخلنا ..انا بشجعك هنا وكل يوم تبشرني انك وش سويت اتفقنا؟