المشاركة الأصلية كتبت بواسطة الهننوفف مازن

السلام عليكم
مساء / صباح الخير

بحكي لكم قصتي ومن وين بدأت ، كانت البدايه و فاة احد من افراد العايلة اثر مرض و كنت وقتها ماسكه نفسي و صابر و كملت حياتي بعدها ومرت الايام الى ان جاء يوم كنت قاعده مع البنات و نتعشى و بعدها جاء طاري الشخص المتوفي و حسيت وقتها بالحزن وطنشت هالشعور وكملت الجلسه ، ومن وقتها وانا احس معدتي تعورني الى ان جاء الصبح وما قدرت و استفرغت ومن هنا بدأت المعانهه

صرت اقارن اللي قاعده امر فيه من اثر الاكل الفاسد باللي صار مع الشخص ! هو استفرغ ؟ انا ستفرغت ؟ هو تعب انا تعبت ؟ و بديت اخاف من الموت ، و الافكار اللي تربط كل شيء بنفس المصير !! كملت اليوم وانا في قمه الرعب وكل ساعه صارت مخاوفي تزيد



تعبت يا جماعه من الافكار ومن التفكير حاولت اطبق اللي كاتبينه بالموقع و احاول اتجاهل الفكره ، حاولت وتخلصت من اشياء كثيره من المخاوف بس الافكار لازالت تلحقني و احس كل شيء يهددني و كل الاشياء علامات ضدي ؟ خلصت من الاعراض وراحت الكثير منها وبقى منها قوي الى ان حلمت حلم وكان زي الحلقه تدور بمخي لان فسرته وكانت كل التفسيرات كويسه الا اثنين منهم و ما ركزت الا على اللي مو كويس ( اسأل الله العظيم انه يكفينا شرهه )

كل اللي ابيه باختصار شلون اعرف اني بديت اتحسن ؟ وهل شعور الارتباك و التوتر طبيعي ؟ و هلل اللي انا مريت فيه طبيعي و الاعراض طبيعيه و كيف اتخلص من الافكار و ارجع لحياتي الطبيعيه ؟